Jahja Drancolli
Sot, nëntor 1915, përkujtojmë arratisjen e ushtrisë serbe të udhëhequr nga Mbreti Pjetër dhe vendosjen e tyre në ishullin e Korfuzit. Marshimi i refugjatëve serbë, i cili zgjati rreth një muaj pasi që kishin pësuar nga ushtria austro-hungareze, e njohur në histori si Golgota Shqiptare, ishte i mundur vetëm falë bujarisë së popullit të Kosovës dhe të Shqipërisë, të cilët, pavarësisht vështirësive objektive që u solli lufta botërore, i pritën sipas traditës.
Pavarësisht kësaj pritjeje tradicionale, burimet historike të kohës kanë regjistruar edhe krime nga ushtria serbe kundër popullsisë vendase të pambrojtur. Kjo ngjarje historike ka lënë pas imazhe të shumta të bëra nga Vl. Beçiç, reporter dhe fotograf ushtarak, i cili u bë i njohur në të gjithë botën me fotografinë “Les quatres beufs du roi Pierre” (“Katër Qetë e Mbretit Pjetër”), botuar në janar 1916 në gazetën franceze “L’Illustration”. Kjo fotografi, përveç Edmond Rostand, poetit të famshëm francez, tërhoqi vëmendjen edhe të regjisorit të famshëm amerikan John Ford, bardit legjendar të kinematografisë botërore!
