| Zbulime të reja. Kësaj radhe në afërsi të lokalitetit arkeologjik Hisar, në Suharekë. Gërmimet që po zhvillohen nga Instituti Arkeologjik i Kosovës në këtë lokalitet kanë sjellë të dhëna të rëndësishme për kulturën e Eneolitit të vonë, gjithashtu periudhën iliro-dardane në disa zona të lokalitetit. Një nga zbulimet më të rëndësishme është gjetja e disa kallëpeve për prodhimin e stolive, po ashtu enëve që dëshmojnë për vazhdimësinë e popullsisë ilire-dardane gjatë periudhës së bronzit dhe të hekurit. Këto gjetje e bëjnë Hisarin si një arkivë kryesore për studimin e prehistorisë së Kosovës dhe të Ballkanit. |
