Të gjithë përdoruesit e WhatsApp janë paralajmëruar të kujdesen për një lloj teksti të rrezikshëm mashtrimi. Mashtruesit dërgojnë mesazhe në WhatsApp duke u prezantuar si “suporti” i aplikacionit për t’ju gënjyer që të jepni informacione me të dhëna private.
Aplikacionet e mesazheve janë të njohura me mashtruesit që duan të vjedhin informacionin ose paratë tuaja. Blogu popullor WhatsApp WABetaInfo tani po paralajmëron përdoruesit që të kenë kujdes nga “llogaritë mbështetëse” të rreme.
Këta mashtrues përdorin fotografi të profilit që duken zyrtare dhe të verifikuara. Por ka një mënyrë të thjeshtë për të konfirmuar nëse llogaria është e vërtetë apo jo.
Suporti i vërtetë i WhatsApp në pronësi të Meta do të ketë shenjën e verifikimit me ngjyrë të gjelbër pranë emrit. Kjo shenjë nuk është e disponueshme për mashtruesit.
Por ata mund të përpiqen t’ju mashtrojnë duke vendosur distinktivin në foton e profilit të tyre.
Nëse një llogari si kjo ju dërgon mesazhe, shpërfilleni atë dhe fshini menjëherë tekstin.
