Një gur i çmuar rubin 55,22 karatësh, i cili nëse shitet aq sa parashikon shtëpia e ankandit -mbi 30,3 milionë Dollarë, do të bëhet guri më i shtrenjtë i këtij lloji që është shfaqur ndonjëherë në ankand.
Guri do të dalë në ankand në New York në Qershor, më pak se një vit pasi firma kanadeze Fura Gems e zbuloi atë në një nga minierat në Mozambik.
Firma Sotheby’s e përshkroi xhevahirin si shumë të rrallë dhe rubinin më të vlefshëm që ka dalë ndonjëherë në treg. I quajtur Estrela de Fura, guri pritet të arrijë vlerën e më shumë se 30 milionë dollarëve.
Edhe pse shitjet rekord të gurëve të çmuar dominohen nga diamantet, ato me ngjyra, në veçanti – rubinët konsiderohen ndër gurët e çmuar më të rrallë dhe më të vlefshëm në botë.
Rekordi aktual i ankandit për një rubin u vendos nga Sunrise Ruby, një gur 25,59 karatësh i gjetur në Myanmar që arriti në 30,3 milionë dollarë në Gjenevë në vitin 2015./tvklan.al
