Sipas të dhënave të Bloomberg, Elon Musk ka rifituar titullin e personit më të pasur në botë.
CEO i Tesla u rrëzua nga vendi i parë nga Bernard Arnault, CEO i markës luksoze franceze LVMH në Dhjetor të vitit të kaluar duke e bërë Musk numrin 2 në këtë listë për më shumë se 2 muaj.
Megjithatë që nga e hëna e kësaj jave, Bloomberg raporton se një rritje në aksionet e Teslas e ka ngritur Musk përsëri në krye të Indeksit të Miliarderëve në kohë reale.
Ditën e djeshme, pasuria neto e Musk ishte rreth 187.1 miliardë Dollarë duke kaluar kështu pasurinë prej 185.3 miliardë Dollarësh të Arnault.
Ndërsa aksionet e Tesla ranë ndjeshëm vitin e kaluar mes blerjes së Twitter-it nga Musk dhe një rënieje më të gjerë të tregut në teknologji, aksionet për prodhuesin e automjeteve elektrike janë rritur që nga viti 2023.
Musk mund të mbajë titullin aktual të personit më të pasur në botë, por ai gjithashtu mban një rekord për pasurinë më të madhe të humbur ndonjëherë nga dikush në histori. Në fund të vitit të kaluar, Musk u bë personi i parë që humbi 200 miliardë Dollarë pasuri pasi pasuria e tij neto ra nga rreth 340 miliardë Dollarë në Nëntor 2021 në 137 miliardë Dollarë në Dhjetor 2022./tvklan.al
