Definicioni i momentit do t’ju befasojë
Kur thoni që do të shkoni diku apo do të bëni diçka për një moment, justifikimi i zakonshëm është që mendoni për një periudhë shumë të shkurtër kohore, për shembull, për disa sekonda.
Mirëpo, me siguri nuk keni ditur që dikur momenti ka qenë një ndër njësitë e matjes së kohës, dhe është konsideruar që zgjat 90 sekonda!
Fjala “moment” për herë të parë si njësi matjeje përmendet në vitin 1398 në Fjalorin e famshëm të Oxfordit në gjuhën angleze, transmeton Telegrafi.
Shkrimtari John nga Trevisa ka thënë që ekzistojnë 40 momente në një orë – që do të thotë që një moment zgjat 90 sekonda.
Mirëpo, Oxfordi që atëherë ka ndryshuar kuptimin e termit “në një kohë shumë të shkurtër”.
Kuptimi i saktë i momentit si njësi e kohës daton që nga Mesjeta, kur lëvizja e hijes në orën e diellit ka mbuluar 40 momente në orën diellore.
Gjatësia e orës diellore varej nga dita, e cila gjithashtu ka lëvizur nga sezoni në sezon.
Në kohët moderne, kohëzgjatja e një momenti nuk ka qenë kurrë fikse, kështu që ju vendosni vetë se cili përkufizim ju përshtatet më shumë, mesjetar apo bashkëkohor. /Telegrafi/
