Lufta e dytë botërore, shqiptarët në trojet e tyre etnike, për shkaqe të ditura historike dhe ideologjike, i gjeti të ndarë në disa tabore. Në atë periudhë kohore, të gjithë synonin se kishin të drejtë. Ishte një ndër periudhat që mund të cilësohet si ndër periudhat më të errëta shqiptare, për arsye se rivaliteti i krahëve politik dhe ushtarak ndërmjet shqiptarëve ishte shumë i madh.
Një ndër ‘detajet’ shumë të përfolura gjatë luftës së dytë botërore në trojet shqiptare është ‘Divizioni i 21 i ushtrisë gjermane SS Skenderbeg’, i cili ishte i përbër kryesisht nga shqiptarët e Kosovës, dhe ishte themeluar me aprovim direkt nga Hitleri, për të ju kundervy partizanve jugosllav dhe atyre shqiptarë. Por për shumë shkaqe doli që ky divizion të jetë i ‘dështuar’ qysh në fillim të themelimit. Divizioni SS Skenderbeg i përbërë nga shqiptarët ishte i gjveshur nga ideologjia naziste, dhe nga shumë të dhëna del se, arsyeja e bashkëpunimit të shqiptarëve me ushtrinë gjermane dhe themelimi i SS Skenderbeg ishte bërë për mbrojtjen e Kosovës nga partizanët jugosllav që kryenin krime të mëdha në popullaten civile shqiptare në Kosovë, Sanxhak e më gjerë. Një detaj shumë interesant që përshkruhet nga koloneli gjerman August Schmidhuber tregon se madhësia e divizionit varionte nga 6000 deri në 6500 burra. Në raportimet e tij që i bënte hierarkisë së lartë të ushtrisë gjermane, shumicën e oficerve të ushtrisë dhe xhandarmërisë shqiptare, i përshkruante oficerët shqiptarë si “totalisht të korruptuar, të padisiplinuar dhe të patrajnueshëm”.
Kolonel Schmidhuber më tutje shton se: “Anëtarët e SS Skenderbeg bënë një betim fetar duke përdorur Kur’anin, duke u zotuar në xhihad kundër jobesimtarëve.” Fakt ky që tregon se ideologjia naziste nuk ishte e pranishme tek shqiptarët, por të gjitha këto ishin përpjekje të nacionalistëve të kohës për mbrojtje etnike dhe bashkim kombëtar, duke ndjekur rrugë të ‘favorshme’ kundër krimeve dhe dredhive jugosllave partizane komuniste. /Trungu & InforCulture.info
