Kafshët e egra dhe pyjet janë burime jetike natyrore të një vendi, për këtë arsye misioni ynë kryesor është të kthejmë në prioritet ruajtjen e trashëgimisë tonë natyrore.
Përpjekjet për ruajtjen e rrëqebullit të Ballkanit, të rrezikuar në mënyrë kritike vazhdojnë të jetë në fokusin tonë kryesor. Pamjet e mesipërme janë fotografi të këtij viti nga kamerat tona kurth.
Ndërkohë që mbishfrytëzimi i pyjeve, zhvillimi infrastrukturor i paqëndrueshëm, fragmentimi i habitateve, gjuetia e paligjshme, dhe reduktimi i presë të këtij felini janë kërcënimet kryesore që po e çojnë drejt zhdukjes.
Për të luftuar këto kërcënime, u bëjmë thirrje për bashkëpunim në mbrojtje të rrëqebullit të Ballkanit të gjitha institucionet relevante dhe përgjegjëse për ruajtjen e natyrës dhe jetës së egër.
