Kështu e pasqyronte gazeta “Perlindja e Shqipëniës” (e drejtuar nga Dhimitër Berati), vizitën te Mbreti Wied në Gjermani të delegacionit shqiptar të kryesuar nga gjeneral Esat Toptani. Më 21.2.1914 delegacioni i ofroi Wiedit në mënyrë ceremoniale pranimin e fronit shqiptar, sipas vendimit që kishin marrë fuqitë e mëdha. Gazeta botonte fjalimet e Toptanit dhe Wiedit. Kujtoj se këto fuqi kishin atribute në atë kohë caktimin e kryetarit të shtetit shqiptar dhe të kufijve të tij.
