6.1 C
Pristina
Monday, May 16, 2022
Home KËSHILLA Ilaçet e gjumit – 5 efektet anësore që duhet të dini

Ilaçet e gjumit – 5 efektet anësore që duhet të dini

A e dini se truri juaj e prodhon natyrshëm hormonin e quajtur melatonin, kur jeni në një mjedis të errët?

Ky hormon mbështet ritmet cirkadiane të trupit tuaj, si dhe gjumin e përditshëm.

Një nga fuqitë kryesore të një suplementi me melatoninë, është se mund t’ju ndihmojnë të bëni një gjumë më të mirë.

Sipas mjekëve, melatonina në përgjithësi është e sigurt kur merret në doza të ulëta dhe ëmerret vetëm për përdorim afatshkurtër.

Megjithatë, ekzistojnë disa rreziqe kur bëhet fjalë për marrjen e një suplementi për të plotësuar nevojat e trupit tuaj.

AgroWeb.org ju fton të lexoni më tej, për të mësuar më shumë rreth efekteve anësore që melatonina mund të shkaktojë.

Mund të bashkëveprojë me medikamente të caktuara

Në varësi të medikamenteve që merrni, melatonina mund të ndërveprojë negativisht me to, duke shkaktuar efekte të padëshirueshme anësore.

Prandaj sugjerohet gjithmonë, që para se të merrni të tilla suplemente, të këshilloheni fillimisht me mjekun tuaj.

Mund të shkaktojë efekte anësore afatshkurtra

Efektet anësore të zakonshme nga përdorimi i melatoninës përfshijnë dhimbje koke, marramendje, të përziera dhe përgjumje.

Në pjesën më të madhe, këto simptoma janë të buta dhe afatshkurtra.

Mund të ulë nivelet e energjisë

Melatonina mund të ulë nivelin e energjisë, gjë që mund të imitojë ose të nxisë një gjendje depresive tek njerëzit që tashmë vuajnë nga sëmundja.

Por disa ekspertë sugjerojnë se ju mund të rrisni marrjen e vitaminës D për të balancuar këtë efekt negativ.

Kjo sepse vitamina D është një mënyrë e mirë për të përmirësuar gjendjen shpirtërore dhe mund t’iu vijë në ndihmë disave.

Por nëse përjetoni ndryshime të tepruara të humorit duhet të ndaloni marrjen e suplementit.

Të moshuarit i ndjejnë më tepër efektet anësore

Nga të gjithë përdoruesit, të moshuarit mund të jenë më të ndjeshëm ndaj melatoninës dhe kanë më shumë gjasa të zhvillojnë efekte anësore, veçanërisht përgjumje dhe letargji.

Ekspertët sugjerojnë gjithashtu, se të moshuarit që vuajnë nga demenca nuk duhet të marrin melatoninë.

Mos e teproni me dozën

Ironikisht, nëse doza që merrni është shumë e lartë, suplementi mund t’ju lërë pa gjumë.

Një efekt krejt i kundërt me atë që po përpiqeni të arrini.

LEAVE A REPLY

Please enter your comment!
Please enter your name here

Most Popular

Turma që iu fut valles deri në vdekje: Murtaja e kërcimit që tronditi Strasburgun

Në vitin 1518, një “'murtajë kërcimi" bëri që banorët e qytetit francez Strasburg, që thuhet se kërcenin në mënyrë të pakontrolluar për...

Nga e hëna në të diele, mësoni oraret më të mira për të postuar në Instagram

Mediat sociale vërshojnë jetën tonë! Patjetër që për të hyrë në procesin e leximit të këtij artikulli, ju keni llogarinë tuaj personale...

Ilaçi që zhduk zbokthin

I keni provuar të gjitha medikamente kundër zbokthit dhe nuk keni gjetur shërim? Nëse jeni mërzitur nga ky problem...

Nëse bojleri juaj bën këtë zhurmë, hiqeni menjëherë nga priza

Në rast shpërthimi, bojleri mund të shkaktojë dëme të mëdha materiale apo edhe të marrë jetë. Sipas ekspertëve, bojleri mund të shpërthejë...

Recent Comments