Një ushtar i Legjionit të Huaj Francez solli një kërriç gomari në bazën e Brigadës së 13-të në Algjeri. Gjatë luftës në Algjeri, ushtarët e legjionit gjetën një kërriç gomari, të braktisur nga nëna e tij, ndoshta e frikësuar nga të shtënat me armë në fushën e betejës. Legjionari në foto vendos të shpëtojë gomarin dhe e mbart atë në shpinë në bazë. Atje ai u pagëzua Bambi dhe u bë hajmalia e brigadës. Fotoja u bë e njohur në të gjithë botën dhe Shoqata Britanike për Mbrojtjen e Kafshëve donte të dinte emrin e legjionarit për ta shpërblyer atë. Legjioni i Huaj nuk pranon të zbulojë identitetin e ushtarit dhe britanikët shpërblejnë të gjithë brigadën me një medalje. /Kalendari Enciklopedik Shqipëtar
