6.1 C
Pristina
Wednesday, December 1, 2021
Home ART Vizatimi i cili u ble për 30 dollarë, ndërsa tani mund të...

Vizatimi i cili u ble për 30 dollarë, ndërsa tani mund të shitet deri në 50 milion

Sokol Neçaj

Një burrë nga Massachusetts bleu këtë vizatim në foto për 30 dollarë në një shitje që organizohen në oborret e shtëpive nga të zotët, që shesin sende të ndryshme. Atij i tërhoqi vëmendjen një vizatim i vogël i një gruaje dhe një fëmije. Në fund të vizatimit ishte një nga monogramet më të njohura të historisë së artit: “A.D.” Ai e bleu vizatimin për 30 dollarë. Në fund të fundit ishte një vepër arti e vjetër e mrekullueshme që justifikonte blerjen.


Siç rezulton tani, vizatimi ka mundësi të vlejë shumë më tepër – ndoshta deri në 50 milionë dollarë. Të paktën këtë çmim po e kërkon Galeria Agnews në Londër për këtë vepër, duke besuar se është e “A.D.” Pas veprës së artit është me të vërtetë mjeshtri gjerman i Rilindjes Albrecht Dürer. Galeria mendon se është një vizatim origjinal i Dürer.


Pas analizës, Christof Metzger, kurator kryesor në Muzeun Albertina në Vjenë dhe një autoritet kryesor për artistin, e certifikoi veprën si origjinale. Metzger madje e ka përfshirë atë në katalogun e tij të ardhshëm mbi Mjeshtrin e Vjetër.
Giulia Bartrum, një ish kuratore e printimeve dhe vizatimeve gjermane në Muzeun Britanik, gjithashtu beson se vizatimi është autentik dhe ka organizuar ekspozitën e tanishme për ta parë në Agnews. Të dy ekspertët supozojnë se vepra është krijuar rreth vitit 1503 si një studim paraprak për vepren e mirënjohur të Dürer The Virgin with a Multitude of Animal, e cila përfundoi afërsisht tre vjet më vonë. (Piktura është tani në koleksionin e Albertina.)


Po blerësi, i cili dëshiron të mbetet anonim, nuk e pati të lehtë të vinte deri në këtë pikë njohjeje. Pasi ai e bleu veprën e artit në 2017, ai ua çoi atë disa ekspertëve për vërtetim ose shitje të mundshme, duke ia kthyer si parendesi në secilin rast. Rastësisht pronari u lidh me Clifford Schorer, një koleksionist në Boston, i cili e konsideroi seriozisht veprën artistike. Schorer e dërgoi vizatimin në Agnews – ku ai është aksioner. Nga ana e tyre ata ia çuan Metzger-it dhe ekspertëve të tjerë. Një restaurues letre, për shembull, konfirmoi vjetërsinë e materialit dhe gjeti filigranin Trident dhe Unazën e Dürer-it. Gjithashtu u mësua më shumë për origjinën e veprës. Një arkitekt që jetonte jashtë Bostonit e kishte trashëguar vizatimin si trashëgimi familjare blerë në Paris nga gjyshi i tij në vitin 1919. Arkitekti vdiq në vitin 2012.
Galeria nuk ka vendosur një çmim specifik për veprën. “Virgin and Child with a Flower on a Grassy Bank”, por Schorer mendon se mund të shkojë deri në 50 milionë dollarë. /InforCulture.info

LEAVE A REPLY

Please enter your comment!
Please enter your name here

Most Popular

Vazhdon të dëshmohet prania e llojeve të rralla të faunës në territorin e Parkut Kombëtar Bjeshkët e Nemuna

Agjencioni për Mbrojtjen e Mjedisit të Kosovës (AMMK) përmes një komunikate njofton se në kuadër të aktiviteteve të rregullta për monitorimin dhe...

Si e shpjegon Barleti emrin e Krujës…

Në librin “Rrethimi i Shkodrës”, botuar në 1504, Barleti shënon: “Na patën rënë në dorë disa shkrime, më tepër...

“Sarajevë, moj motër”, si u fut Nënë Tereza në teatrin e Bosnjes

Libri surprizë i Ylli Polovinës, botuar në Prishtinë Në 324 faqet e librit më të ri të Ylli Polovinës,...

Mbi 80% e shoferëve dështojnë, kush ka përparësi në këtë rast?

Ndodh jo rrallë që qofshin shoferët, çiklistët apo këmbësorët, nuk thonë me zë të lartë “kush ia ka dhënë lejen këtij?”

Recent Comments