Ajo është shfaqur në dhjetëra filma të Hollivudit dhe dhjetëra libra, nga biografitë në romanet historike. Gjithmonë e bukur, gjithmonë ekzotike dhe gjithmonë me dekorime të panumërta që zbukurojnë flokët e saj dhe me qepallat e zeza karakteristike që është një nga tiparet e saj kryesore të saj, Kleopatra, ka arritur një lloj “pavdekësie”.
Pra, më shumë se 1.500 vjet para mbretërimit të Elizabetës së I-rë të Anglisë, Kleopatra, një anëtare e dinastisë së famshme Ptolemeu, vërtetoi se gratë ishin të afta të sundonin kombet dhe se ata mund ta bënin këtë me inteligjencë, hir dhe ndonjëherë edhe me barbarizëm.
Një natë, sipas legjendës, Kleopatra vuri bast me Marc Antonio se ajo mund të shpenzonte 10 milionë sesterce (monedhë e lashtë romake), në paratë e sotme nga 10 në 20 milionë dollarë, në një vakt të vetëm.
Kështu ajo i kërkoi stafit që të shërbente një vakt shumë të thjeshtë dhe më pas kërkoi një gotë uthull. Sipas NBC, ajo hoqi njërin nga vathët e saj dhe hoqi gurin që ai kishte brenda. Ajo e hodhi atë në uthull dhe ishte e kënaqur ta shihte se si lundronte dhe shpërbëhej. Pastaj uthullën e piu nga gota, duke provuar si për Marc Antonion, ashtu edhe për veten se ajo ishte e aftë të bënte pothuajse gjithçka për të fituar qoftë edhe një bast.
Shkrimtari romak Plini Plaku, në fakt, kishte shkruar se është perla më e madhe në të gjithë historinë, duke e përshkruar atë si “një vepër të admirueshme dhe vërtet unike të natyrës”.
Sidoqoftë, historianët modernë shfaqen më skeptikë në lidhje me faktin dhe nëse ai ishte shkencërisht i vlefshëm derisa të testohej përfundimisht teoria dhe të zbatohej në praktikë. Testi konfirmoi se uthulla në të vërtetë shpërndan karbonatin e kalciumit në një margaritar, por ndoshta do të duhej më shumë se një ditë që i gjithë guri të zhdukej.
