Tenjat janë dëmtuese të ngjashme me insektet, të cilat kryesisht jetojnë në pluhurin e shtëpisë. Ata pëlqejnë të hanë zbokth që ndodh te njerëzit dhe kafshët
Nëse nuk jeni alergjik, nuk do të jetë problem për ju. Mirëpo, ato janë një nga alergjenët më të zakonshëm në ajër dhe mund të përkeqësojnë simptomat e alergjisë dhe astmës.
Tenjat nuk pickojnë, por proteinat në grimcat e tyre fekale i shkaktojnë këto vështirësi, transmeton Telegrafi.
Tenjat mund të jetojnë kudo ku ka pluhur, por zakonisht mund t’i gjeni në vendet e mëposhtme:
– Dyshekë
– Shtroja
– Mobilie të veshura me tekstile
– Qilima
– Perde.
Simptomat e alergjisë ndaj tenjave:
– Sytë e përlotur
– Teshtimë
– Rrjedhje e hundëve
– Pikim postnazal
– Kollë
– Kruarje në kanalin e veshit
– Astmë
– Kruarje e lëkurës
– Përkeqësim ekzeme.
Çfarë të bëjmë?
Asnjëherë nuk mund t’i eliminoni tenjat plotësisht, por mund të mësoni të jetoni me to:
– Përdorni tharëse ajri ose kondicioner për të mbajtur nivelin e lagështisë në 50 për qind ose më poshtë.
– Mbuloni dyshekun dhe jastëkët tuaj me mbulesa mbrojtëse që janë rezistuese ndaj pluhurit dhe alergjenëve.
– Një herë në javë, lani shtratin dhe batanijet në ujë të nxehtë (në 130 ose 140 gradë).
– Zëvendësoni shtratin e leshit ose pendlave me materiale sintetike. – Për të hequr pluhurin, përdorni një leckë të lagur (lecka e thatë i trazon alergjenët).
– Vendosni një mikrofilter me dy shtresa ose qese filtri në fshesë me korrent.
– Vini një maskë gjatë pastrimit të fshesës dhe dilni nga dhoma të cilën e keni pastruar me fshesë elektrike për 20 minuta derisa pluhuri dhe alergjenët të qetësohen.
Tenjat kthehen dhe kjo është arsyeja pse pastrimi i rregullt është i rëndësishëm. Konsideroni luftën kundër tenjave të pluhurit një luftë të vazhdueshme, jo vetëm një betejë. Nëse asnjë nga këshillat e mësipërme nuk ju ka ndihmuar, është koha t’i drejtoheni alergologut.
Ai mund të ndihmojë në vendosjen e një plani që mund të përfshijë ilaçe për alergji, të tilla si spërkatjet e hundës dhe antihistaminat orale. Ai madje mund t’ju rekomandojë që të vaksinoheni kundër një alergjie që ju ekspozon ndaj sasive të vogla të proteinave të merimangës, gjë që rrit ekspozimin tuaj me kalimin e kohës. Qëllimi përfundimtar është, sigurisht, të mësohemi me to dhe kështu të zvogëlojmë simptomat.
