6.1 C
Pristina
Monday, August 2, 2021
Home HISTORI/ARKEOLOGJI 1945/Telegrami i “partizanëve” kosovarë për Titon

1945/Telegrami i “partizanëve” kosovarë për Titon

Në nëntor 1945 Divizioni i 5-të i ardhur nga Shqipëria, gjendej në Kosovë. Këtu rekrutoi me forcë edhe shumë shqiptarë të Kosovës, duke arritur një numër trupash në 2902 personash. Disa prej tyre i rekrutoi me forcë. Spikat një telegram i nisur prej shqiptarëve të Kosovës, në të cilin lavdërohej forma skllavëruese, në të cilën hyri Kosova. Nuk ka dyshim që radiogrami është i servirur nga komanda e divizionit.

***

Radiogram, nr.210, datë 26.10.1945

Mareshalit të Jugosllavisë Josif Broz Tito

Ne luftëtarët kosovarë të divizionit të 5 shqiptar nga tokat e Maqedonisë federale, ju përshëndesim dhe falënderojmë ju udhëheqësin e madh të popujve heroike të Jugosllavisë demokratike federative, mbrojtësin e të drejtës së autonomisë së Kosovës dhe të Metohisë gjë që s’kishte parë kurrë më parë populli i atyre vendeve në këtë vendim me rëndësi për ne dhe popullin tonë. Vendimi i marrë nga Këshilli Antifashist Nacionalçlirimtar i Serbisë ne jemi të sigurt 100% se ju keni qenë faktori kryesor dhe keni kontribuar më shumë se askush tjetër. Ne ju shprehim juve ndjenjat më të zjarrta me këtë rast si prijësin e madh të Jugosllavisë së re, pse ju jeni burri që mundet t’u sillni popujve të Jugosllavisë, njëkohësisht edhe neve atë që na kishin mohuar prej shekujsh regjimet shtypëse dhe antipopullore të Karagjergjoviçit e klikave të tyre grabitqare sepse vetëm nën udhëheqjen tuaj u arrit bashkimi dhe vëllazërimi i popujve tanë nëpërmjet luftës së përgjakshme kundër armikut të fashist dhe vetëm me juve në krye Jugosllavia federative demokratike do të eci drejt lulëzimit dhe përparimit. Ne jemi plotësisht të bindur se juve i shikoni siç duhet të drejtat tona dhe jepni ndihmën më të madhe në mënyrë që populli i Kosovës dhe i Metohisë të jetojë i lirë me të gjitha të drejtat e njeriut dhe i vëllazëruar me vëllezërit e tij jugosllavë. Kërkojmë nga ju të bëheni interpret i ndjenjave tona dhe pranë Këshillit Antifashist të Serbisë.

Luftëtarët kosovarë të Divizionit të 5 shqiptar

Marrë më 7.10.1945/55News.al

LEAVE A REPLY

Please enter your comment!
Please enter your name here

Most Popular

Ja si mund ta largoni erën e cigareve nga rrobat dhe shtëpia

Si ta largoni erën e cigareve nga rrobat dhe shtëpia. Disa rekomandime për të eliminuar erën e cigareve dhe...

Ku i gjeni 99 shkallë, si 99 emrat e Zotit? – “XHAMIA E ÇUDITSHME”

Çdo ditë e hapur, për besimtarë dhe vizitorë, ndërsa hyrja është e lirë./Konica.al Xhamia e Pazarit të vjetër në...

Veshja dhe kostumet tradicionale të Beratit, nga më të veçantat në Shqipëri

Tradita e veshjes së banorëve të qytetit të Beratit është një nga më të veçantat në Shqipëri. Kjo për shkak edhe se...

Dashunija ndaj prindëve – Ndre Mjeda

Poezi nga Ndre Mjeda Me sy çilun afër djepit,Me kujdes e me dashtni,Për vaj tem tue hjekun zi,Tue shëndue...

Recent Comments