6.1 C
Pristina
Saturday, July 31, 2021
Home KURIOZITETE Zbulohet origjina e gurëve që formojnë monumentin e famshëm

Zbulohet origjina e gurëve që formojnë monumentin e famshëm

Me ndihmën e një kampioni që ishte mbajtur në Shtetet e Bashkuara, shkencëtarët kanë zgjidhur një pjesë të misterit të gurëve që përbëjnë monumentin Stonehenge, i cili ndodhet në zonën kodrinore të Uellsit Perëndimor. Ata kanë përcaktuar origjinën e shumë prej megaliteve, gurëve që përbëjnë monumentin e famshëm.

Testimi gjeokimik tregon që 50 nga 52 megalitët ranorë të Stonehenge, të njohur si sarsens, kanë një origjinë të përbashkët 25 km larg vendit nga një vend i quajtur west woods.

“Me të vërtetë emocionuese, ne kemi marrë përgjigje për një pyetje që ka shqetësuar arkeologët vite me radhë; cila ishte origjina e këtyre gurëve të mëdhenj. Shumë njerëz thoshin se ishin nga Marlborough, 20 km në veri nga këtu, por ne kurrë më parë nuk kemi qenë në gjendje të themi saktësisht se nga vinin”, thotë arkeologia Susan Greaney.

Sarsenët, të cilët formojnë rrethin e jashtëm ikonik, u ngritën në Stonehenge rreth vitit 2500 përpara Krishtit. Secili prej këtyre gurëve peshon mesatarisht 20 tonë, disa prej tyre deri në 30 tonë, dhe më i gjati është rreth 9 metra.

“Procesi i nxjerrjes së tyre nga toka, vendosja e tyre ndoshta në pllaka prej druri, zvarritja (25 km) mbi një luginë, mbi kodra, të gjitha llojet e sipërfaqeve të ndryshme të tokës ishte një arritje masive. Nëse mendoni për faktin se kishte afërsisht 80 gurë në këtë sit, ky është një projekt masiv”, shprehet arkeologia.

Ishte pikërisht një mostër thelbësore e gurit sarsen, e cila në fund të viteve 1950 u fut në shufra metalikë siguroi një informacion thelbësor. Ajo iu dha si një suvenir një personi të quajtur Robert Phillips i cili e mori me vete kur emigroi në Shtetet e Bashkuara dhe vendosi ta kthejë atë në Britani për kërkime në vitin 2018. Ndër pikat më të njohura të Britanisë, gurët që qëndrojnë në këmbë tërheqin turistët nga e gjithë bota, si dhe njerëzit që kërkojnë lidhje shpirtërore me të kaluarën.

LEAVE A REPLY

Please enter your comment!
Please enter your name here

Most Popular

Dosja/ Musine Kokalari! Gruaja e 88 dosjeve, që i rezistoi 20 viteve burgim

Në arkivin e Shtetit ruhen 88 dosje për gruan e fortë që i rezistoi 20 viteve burgim dhe internimit të dhimbshëm në...

Gjëja më e keqe është të qëndrosh me persona që të bëjnë të ndihesh vetëm!

“Gjithmonë kam menduar se gjëja më e keqe në jetë është vetmia. Nuk është! Gjëja më e keqe është të qëndrosh me...

Sipas një studimi pushimet ndikojnë në mirëqenien tonë

Në fakt, studimet shkencore tregojnë se pushimi nga rutina e përditshme është thelbësor për një shëndet të mirë fizik dhe emocional.

Ja se çfarë përmban dokumenti i firmosur nga Ali Pashë Gucia dhe Hodo Bej Sokoli në Shkodër mbi Reformat e kërkuara nga shqiptarët te...

Nga Aurenc Bebja, Francë – 12 Maj 2020 “L’Univers” ka botuar, të dielën e 23 majit 1880, në faqen n°3, një...

Recent Comments