Agjencia Amerikane e Hapësirës, NASA, la ulur me sukses sondën e saj ‘Perseverance’ në një krater të thellë afër ekuatorit të planetit, të quajtur ‘Jezero’.
Inxhinierët e NASA-së në kontrollin e misioneve në Kaliforni, shpërthyen nga gëzimi kur konfirmimi për uljen me sukses erdhi, transmeton Lajmi.net.
Mjeti me gjashtë rrotë do të kalojë të paktën dy vitet e ardhshme duke hulumtuar nëpër sipërfaqen e planetit të kuq, për të gjetur dëshmi rreth jetës.
Jezero mendohet të ketë qenë një liqen i madh miliarda vite më parë. Dhe nëse ka pasur dikur ujë aty, ka mundësi që të ketë pasur edhe jetë.
