Kulla e vjetër është ende sot në Boletin, fshatin në veri të Kosovës. Ndërsa heroi, nuk e kurseu veten për lirinë e atdheut e tokën e të parëve, pasardhësit e tij krenohen me veprën, historinë, por edhe dëshmitë që vijnë nga ajo kohë.
Gazmend Boletini, nipi i “Isës së shqiptarëve”, ka ekspozuar këtë përvjetor pavarësie, flamurin origjinal me të cilin, luftoi Isa Boletini dhe xhamadanin që ka veshur luftëtari dhe burri fisnik.
“Xhamadanin e punuar nëna e Isait, mund të jetë afro një shekull. Ka qenë xhamadan vere, se ne vijmë nga zona e Shalës dhe e ka mbajtur në krahë. Shenjat janë të besimeve ilire, si për shembull, gjarpri.
Ky është flamuri personal i Isa Boletinit, që e ngriti më 30 qershor në 1912: ka shpallur këtë zonë të lirë dhe ka formuar bazë ushtarake, kështu filloi kryengritja e përgjithshme.
Më 12 gusht 1912, ka hyrë në Shkup, vilajetin e Kosovës. Por, për herë të parë e ka përdorur më 1910, në Kuvendin e Isniqit’ – rrëfeu ai.
Gazmend Boletini, rrëfen edhe një detaj interesant për shqiponjën e flamurit.
“Isa fliste, ai (rrobaqepësi) punonte dhe kur e kanë pyetur, pse me krahët poshtë (shqiponja) – sepse, akoma nuk i kemi çliruar trojet shqiptare”- ka thënë, Isa Boletini. /Konica.al /InforCulture.info
