Sfirca është një fshat kodrinoro-malor që ndodhet në Komunën e Medvegjës në kufi me Kosovën, në jug kufizohet me fshatin Sfircë në Komunën e Dardanës, këta 2 fshatra kanë qenë një, por u ndanë padrejtësisht në Kongresin e Berlinit me 1878.
Lartësia më e madhe mbidetare e këtij fshati është rreth 1075 metra afër kufirit me Kosovën. Sfirca e Medvegjës ka një sipërfaqe rreth 22 km2. Në vitin 1971 Sfirca kishte 1299 banor e që atëherë filloi të ulet numri i popullsisë përshkak të emigrimit të popullsisë në drejtim të Kosovës, si shkas situate e pasigurisë dhe shtypjes nga ana e pushtetit serb. Në këtë vendbanim në vitin 1991 popullsia arriti numrin prej 368 banorësh deri sa në 2002 u rrit përsëri duke shkuar në 501 banorë.
Me dëbimin e shqiptarëve nga Medvegja, tani ka mbetur një numër i vogël i shqiptarëve edhe në fshatin Sfircë. Në regjistrimet e 2011 ky fshat shqiptar në Serbi ka arritur në numrin minimal të banorëve me një numër prej 77 banorësh. /traditat, Instagram /InforCulture.info
