6.1 C
Pristina
Wednesday, September 15, 2021
Home KËSHILLA 6 ushqime që e ulin tensionin e gjakut

6 ushqime që e ulin tensionin e gjakut

Tensioni i lartë i gjakut është një gjendje shëndetësore serioze e cila e prek një numër të madh të popullsisë. Kjo gjendje, pos tjerash, mund të luftohet edhe përmes ushqimit të duhur.

Këtu mund t’i gjeni disa nga ushqimet të cilat mund t’i hani dhe që do t’ju ndihmojnë në uljen e tensionit të gjakut.

Bananja: është burim i shkëlqyeshëm i kaliumit. Kaliumi njihet për rolin e tij në luftimin e efektit të natriumit në trupin tonë. Ngrënia e bananes do të ulë nivelin e koncentrimit të vlerave të natriumit në trup dhe kështu edhe tensionin e gjakut.

Ngrënia e dy bananave në ditë ka rezultuar të ulë tensionin e gjakut në mënyrë domethënëse. Mund t’i konsumoni si të vetme apo në kombinim me ndonjë frut tjetër.

Avokado: ky frut është i domosdoshëm kur është në pyetje ulja e tensionit të gjakut. Njëjtë sikurse bananet edhe avokado përmban sasi të mëdha të kaliumit. Avokado po ashtu përmban sasi të yndyrës së pangopur e cila e rrit nivelin e kolesterolit të mirë në gjak.

Kolesteroli i keq njihet për efektin e tij në bllokimin e enëve të gjakut, gjë që shkakton rritjen e tensionit të gjakut. Avokadot e rrisin nivelin e kolesterolit të mirë i cili ndihmon në uljen e vlerave të tij.

Keni parasysh që avokadot kanë përmbajtje të lartë kalorike dhe ngrënia e tyre duhet të jetë e matur.

Spinaqin mund ta konsumoni në shumë forma dhe në kombinim me shumë ushqime tjera.

Domatja: ky frut jo vetëm që ka përmbajtje të kaliumit por është i pasur edhe me likopen. Likopeni është një antioksidant i njohur i cili parandalon oksidimin e kolesterolit të keq dhe ngjitjen e tij në muret e enëve të gjakut.

Domatet jo vetëm do të ulin tensionin e gjakut por do të parandalojnë shfaqjen e tij për periudhat e mëvonshme. Për rezultate më të mira, të konsumohet e papërpunuar.

Selino: ngrënia e këtij fruti të gjelbër do të ulë tensionin tuaj të gjakut. Përpos përmbajtjes së lartë të kaliumit, ky frut po ashtu shërben edhe si diuretik natyral.

Kjo do të thotë që e nxjerr sasinë e tepruar të ujit nga gjaku, pasi që teprica e ujit ne gjak e rrit presionin arterial. Me largimin e kësaj teprice bien edhe vlerat e tensionit.

Çokollata e zezë: një tjetër produkt i shijshëm për ulje të tensionit. Përmban koncentrim të lartë të kakaos që i jep ngjyrën e zezë. Kakao është i pasur me flavanol, element ky i cili ndihmon në zgjerimin dhe rritjen e elasticitetit të enëve të gjakut.

Kjo pastaj manifestohet me ulje të tensionit të gjakut. Çokollata e zezë po ashtu duhet të konsumohet në mënyrë të moderuar pasi që përmban shumë kalori.

LEAVE A REPLY

Please enter your comment!
Please enter your name here

Most Popular

Lista me 30 të pasurit që u vranë dhe grabitën nga regjimi komunist

Edhe pse nuk ishin përfshirë kundër sistemit, ata u ekzekutuan, dënuan dhe internuan pasi ishin të pasur dhe iu sekuestrua çdo pronë...

Ja si dukej kalendari i lashtë Shqiptar

Populli shqiptar ka patur që në kohëra të lashta një kalendar të vetin, i cili është kalendar unik në botë përkah veçoritë...

Si e bëjnë bletët mjaltin?

Këtu janë udhëzimet hap pas hapi që bletët përdorin për të bërë prodhimin e tyre të shurupit. 1. Mjalti...

Misteri/ Uji merr ngjyrën e gjákut ashtu siç përmendet edhe në Bibël

Në rajonin Biblik të Moabit në Jordani ka ndodhur një fenomen shumë i çuditshëm, teksa një pellg uji pranë Detit të Vdékur...

Recent Comments