Lugina Parvati e Indisë është e mirënjohur në mesin e udhëtarëve për festat e saj psychedelike dhe hashashin e lirë që rrjedh nga fshati i lashtë i Malana në rajonin malor Himachal Pradesh në veri të vendit.
Por nëse shikoni përtej mjegullës, do të gjeni një thesar për legjendat, intrigat dhe pyetjet pa përgjigje.
I vendosur në majat e Himalajeve, Malana është e rrethuar me shkëmbinjtë e pjerrët dhe malet e mbuluara me borë. Udhëtarët janë tërhequr prej kohësh në këtë fshat prej afro 1,700 banorësh, duke qëndruar për ditë të tëra mes grykave të ftohta të erës dhe pemëve “deodare” (në formë konike) të gjelbra dhe të errëta që vendasit e konsiderojnë si barin e shenjtë dhe të huajt e shohin si një mënyrë për ta çliruar mendjen: krem i njohur dhe i vlerësuar me çmime Malana.
Kjo rrëshirë ose hashashi i kanabisit është i njohur si për teknikën e fërkimit të duarve për të prodhuar atë dhe për efektet e spikatura.
Legjenda thotë se disa nga ushtria e Aleksandrit të Madh u strehuan në këtë fshat të izoluar në vitin 326 sipas kalendarit romak, pasi u plagosën në një betejë kundër Porusit, një sundimtar në rajonin Punjab të Indisë. Këta ushtarë thuhet se janë paraardhësit e popullit Malani.
Në fshat janë gjetur artefakte nga ajo periudhë, siç është shpata që thuhet se qëndron brenda tempullit. Megjithatë, lidhjet gjenetike me ushtarët nuk janë studiuar.
“Pretendimi i madh që njerëzit e Malanit kanë zbritur nga ushtria e Aleksandrit të Madh është bërë një e vërtetë e pranuar gjerësisht, por unë nuk kam gjetur ndonjë mbështetje reale për të. Ka disa armë dhe gjëra të tjera që mund të gjenden që kanë ngritur këto lidhje, por jam i sigurt se nuk ka dëshmi për këtë histori “, tha Amlan Datta, një regjisore e cila ka kaluar një dekadë duke punuar në Malana.
Por këto teori ushqehen nga tiparet e ndryshme fizike të vendit dhe gjuha e tyre, të cilat janë ndryshe nga ato të çdo fisi tjetër, duke shtuar enigmën që rrethon Malanin dhe identitetin e tyre. Ata flasin Kanashi, i cili konsiderohet i shenjtë dhe nuk u mësohet të huajve. Nuk flitet askund tjetër në botë.
Një studim i Kanashit është duke u bërë nga Universiteti Uppsala në Suedi, i udhëhequr nga profesori i gjuhësisë, Anju Saxena. “Kanashi kualifikohet si një gjuhë e rrezikuar, si një gjuhë e pashkruar dhe pothuajse e pa përshkruar,” tha Saxena. “Ajo i takon familjes Sino-Tibetiane, dhe në të gjitha fshatrat përreth fliten gjuhë indo-ariane, të cilat nuk janë tërësisht të lidhura me Kanashin. Kjo ngre pyetje interesante lidhur me parahistorinë e saj dhe strukturën gjuhësore të saj”, citon BBC.
Edhe arritja në Malana ishte një udhëtim në të panjohurën. Nuk ka rrugë motorike për fshatin dhe më duhen rreth katër orë për të udhëtuar atje nga fshati Jari në fund të luginës Parvati.
