Me ndihmën e këtyre 10 truqeve zbuloni se cili është mjalti i vërtetë. Mjalti është i pasur me vitamina dhe minerale, dhe ka veti antiinflamatore.
1. Merrni pak mjaltë dhe fërkojeni atë në mes të gishtit tregues dhe gishtit të madh derisa të shpërbëhet. Mjalti i pastër është i mirë për lëkurë dhe nuk është ngjitës. Nëse ai që e keni fërkuar ngjitet, kjo do të thotë se ka sheqer ose ëmbëlsues artificialë në të.
2. Mundohuni të vendosni pak mjaltë në letër apo peceta të letrës. Mjalti i pastër natyral nuk përmban ujë dhe nuk do të depërtojë në letër për një kohë të gjatë.
3. Bletët instinktivisht i ndërtojnë kosheret në pemë dhe midis shkëmbinjve për t’u mbrojtur nga buburrecat. Vendosni pak mjaltë tek buburrecat, ata nuk do ta prekin mjaltin natyror.
4. Me të verdhën e vezës përzieni pak mjaltë. Nëse mjalti është i pastër, kur ta tundni të verdhën e vezës, ajo do të duket si të ishte e gatuar.
5. Një lugë të vogël me mjaltë vendoseni në një gotë të mbushur me ujë. Mjalti artificial do të fillojë të shkrihet, ndërsa mjalti i pastër do të forcohet dhe do të bjerë në fund.
6. Nëse e lyeni me mjaltë një fetë bukë mjalti natyral do të ngurtësohet për disa minuta, ndërsa mjalti artificial do ta lagë bukën për shkak të përmbajtjes së ujit.
7. Pak para gëlltitjes mjalti i vërtetë do t’ju japë një ndjesi të pickimit apo gërvishtjes në gojë, gjë që mjalti artificial nuk mund ta arrijë, transmeton koha.net.
8. Vëzhgoni nëse mjalti do të kristalizohet me kalimin e kohës. Imitimi i mjaltit do të qëndrojë i lëmueshëm si shurup, pa marrë parasysh se sa kohë është ruajtur, ndërsa mjalti i vërtetë do të kristalizohet.
9. Majën e fijes së shkrepëses lyejeni me mjaltë dhe përpiquni ta ndizni. Mjalti natyror nuk do ta pengojë ndezjen. Mjalti artificial ka ujë, prandaj shkrepësja nuk mund të ndizet.
10. Vendosni në mikrovalë 2-3 lugë të vogla me mjaltë. Ngroheni në temperaturë të lartë. Mjalti natyror do të karamelizohet shpejt dhe nuk do ta marrë formën e shkumës. Mjalti artificial do të karamelizohet vështirë dhe do të jetë plot me flluska.
Disa Fakte interesante rreth mjaltit dhe bletëve
1 – Mjalti është ushqim që nuk prishet apo nuk skadon asnjëherë. Në qoftë se ruhet në një enë të mbyllur rron pafundësisht. Mjalti është një prej ushqimeve më të vjetra në botë, është gjetur në Egjipt, tek varri i Mbretit Tut i paprishur.
2 – Mjalti është 25% me i ëmbël se sheqeri për shkak të nivelit të lartë të Fruktozës në të.
3 – Mjalti krijohet nga nektari i luleve i cili përzihet me enzimat e bletëve the bletët avullojnë një pjesë të ujit të nektarit duke përplasur krahët. Ngjyra aroma dhe shija e mjaltit ndryshon në vartësi të luleve që vizitojnë bletët.
4 – Një bletë gjatë jetës së saj prodhon vetëm 1/12 e një luge çaji mjaltë.
5 – Vizatimi më i vjetër i bletëve dhe mbledhjes se mjaltit është gjetur në një shpellë në Spanjë dhe mendohet të jetë bërë 15.000 vjet më parë.
6 – Democritus (460-370 BC), filozofi grek, përdorte një diete të pasur me mjaltë dhe jetoi 109 vjet.
7 – Mjalti ishte ilaçi më i përdorur në Egjiptin e lashtë. Nga 900 receta që janë zbuluar rreth asaj kohe 500 kanë qenë të bazuara tek mjalti. Në Romën e lashtë mjalti përdoret për të ndihmuar pacientët të flinin gjumë.
8 – Napoloni zgjodhi bletën si simbol të tijin pas kurorëzimit në 1807.
9 – Në 1984, gjatë një eksperimenti në hapësirë, bletët munden të ndërtonin një koshere në kushte të jashtëzakonshme duke mos paturp forca rëndese.
10 – Bletët kane 4 krahë dhe 5 sy.
11 – Bletët përplasin krahët 11.400 herë në minutë dhe mund të fluturojnë me një shpejtësi prej 20 km/ore.
12 – Mbretëresha pjell 1000-1500 vezë në dite.
13 – Duhen rreth 10kg mjaltë për të ushqyer një koshere bletësh gjatë dimrit.
14 – Mjalti përmban shumë vitamina dhe antioksidant pa pasur yndyrë apo kolesterol.
15 – Mjalti përmban po aq antioksidante sa edhe spinaqi dhe një lloj antioksidanti, “pinocembrin” gjendet vetëm tek mjalti.
16 – Për shumë vite këngëtaret e operas kane përdorur mjaltin për të zbutur fytin dhe për të shtuar energjinë.
17 – Mjalti është i vetmi ushqim që përmban gjithçka që i duhet njeriut për të jetuar, duke përfshire dhe ujin.
18 – Mjalti ka vetinë të thithe ujë, gjë qe e bën shume efektiv për zbutjen e lëkurës së djegur.
19 – Mjalti shpejton mbylljen e plagëve dhe lufton infeksionet. Mjekësia moderne e cilëson mjaltin si një prej antibiotikeve të natyrës, i cili ka veti te ndaloje zhvillimin e bakterieve dhe të shumë llojeve të mykut. Është vërejtur se mjalti ngordh disa bakterie që janë rezistente ndaj antibiotikeve tradicionale.
