arja e duarëve është më efektive në mbrojtjen nga koronavirusi, por në raste kur uji dhe sapuni nuk gjenden, si psh kur jeni jashtë, dezinfektantët janë alternativa e mbetur.
Profesor Mark Uilkoks, mikrobiolog në NHS, shpjegon se si duhen përdorur ata për një rezultat sa më të kënaqshëm.
“Një dezinfektantë duhet të përmbajë 60 deri në 90% alkool. Disa njerëz mund të tundohen dhe ta bëjnë vetë atë ën shtëpi, por ai nuk është efektiv,” tha ai.
Uilkoks këshillon të përdorim një xhel dezinfektues sa herë duart tona bien në kontakt me një sipërfaqe që dyshohet të jetë e kontaminuar.
Për metodën e përdorimit ai shpjegon: “ Nuk është problemi në sasinë që përdoret, por në mënyrën se si bëhet kjo. Xheli duhet aplikuar në të gjithë dorën. Kjo do të thotë edhe mes gishtërinjëve dhe kyçe.”
Nëse keni një orë, duhet ta hiqni atë në mënyrë që të mund të pastroni kyçet me kujdes. Kjo pasi nëse e vendos dorën pranë fytyrës, virusi mund të transmetohet në gojë, hundë apo sy.
Uilkoks shpjegon se nuk ka një alternativë për alkoolin, kështu që edhe pse përdorimi i shpeshtë i tij çon në dëme të lëkurës, duhet gjetur një sasi e mesme, në mënyrë që lëkura të mos thahet.
