Dy studime përballë njëri- tjetrit për një temë që ende hap debat, pavarësisht gjithë studimeve që i janë bërë dhe kjo është çështja e origjinës së Kleopatrës.
Këto studime kundërshtohen fortë pasi historia akoma nuk është treguar dhe faktet janë mbi tavolinë, e gjithsecili merr atë që e mendon se është, po le të futemi më shumë në shkrime.
I pari është një studimi i publikuar në Daily Caller i organizuar nga Instituti Max Planck dhe përball tij qëndron shkrimi i studiuesit shqiptar Fahri Xharra.
Si fillim studimi i bërë nga shkencëtarët e institutit, ka përfshirë më shumë se 151 mumje, të cilat iu ushtruan testimeve të mbetjeve gjentike, prej nga arritën të gjejnë genome mitokondriale vetëm tek 90 individë.
Ky studim nxjerr në fund të tij që mbretërit Egjiptian dhe gjithë familja mbretërore nuk kanë pasur një lidhje të fortë gjaku me Afrikën. Përkundrazi, kanë qenë shumë të lidhur me pjesën Nelotike Levantiane, Anadollin dhe popullsinë Evropiane.
Madje Wolfgang Haak, i cili ishte dhe udhëheqësi i studimeve, ka thënë se gjenetika e popullit egjiptian ka pas ndryshuar në 1500 vitet e fundit dhe nuk ngjan pothuajse fare me kohën e Faraonëve.
“Kjo na sugjeron se rritja e gjenit Sub-Saharian Afrikan ka rrjedhur nëpër Egjipt, por kjo ka ndodhur në 1500 vitet e fundit e jo më parë”, është shprehur Haak.
Pavarësisht gjithë përpjekjeve të studiuesve Afrocentrik për të treguar se linja e gjakut të Faraonëve ka qenë Afrikane, këto studime tregojnë krejt të kundërtën, madje ky nuk është dhe aq fakt shokues sa ç’ është ai ku thuhet se vetë Faraonia e Egjiptit, Kleopatra ka qenë Greke, pra me linjë gjaku nga helenët.
E në këtë pjesë kundërshton me forcë studiuesi Fahri Xharra.
Përsa i përket studimeve se Faraonët Egjiptian dhe linja e gjakut të tyre nuk ka qenë Afrikane nuk ka asnjë kundërargument, mendimet janë të së njëjtës rrjedhe, po është Kleopatra ajo që i ngatërron edhe një herë gjërat.
Njësoj siç ka ngatërruar meshkujt në kohën e saj, që vdisnin vetëm për ta parë, sot ajo ngatërron studiuesit me prejardhjen e saj.
Xharra në shkrimin e tij “Kleopatra, bijë e të parëve tanë” thotë se prejardhja e Kleopatrës nuk ishte as Egjiptiane, as Afrikane dhe as e ndonjë kombësie tjetër, përveçse Maqedonëse, pasi e gjithë familja e saj rridhte nga një prej 12 gjeneralëve të Aleksandrit të Madh, që pas vdekjes së tij e kishin ndarë mbretërinë në mes tyre.
Kleopatra ka lindur në vitin 69 para Krishtit (69 –30 BC ) dhe ishte e bija e Faranonit Ptolomeu i 12, i cili i përkiste kësaj loze.
Pas vdekjes së Lekës së Madh, Ptolomeu i Parë në vitin 323 para Kr. e mori në duar timonin e mbretërve që zgjati afro tre shekuj.
Si çdo familje mbretërore dikur, ashtu edhe Ptoplomejt, martoheshin brenda familjes së tyre duke e ruajtur kështu “pastërtinë e gjakut të pastër”.
Me dhjetë paraardhës të Kleopatrës e ruanin neun familjar duke u martuar me kushërinj të afërm.
Propaganda romake e lidhte suksesin e armës së saj politike me bukurinë e saj, duke e përdorur trupin e saj për fitore, por shënimet flasin që ajo i fliste dhjeta gjuhë dhe ishte e edukuar në matematikë, filozofi , oratori dhe astronomi.
“Në këtë rast duhet potencuar edhe një fakt që ajo nuk ishte greke, por maqedonase e lozes së Aleksandërit të Madh”, shkruan Xharra
