Fotografia e realizuar në vitin 1924 në Ibarac, pranë Rozhajës, paraqet një grup burrash shqiptarë që përfaqësonin familje dhe vëllazëri të njohura të Sanxhakut në atë periudhë. Në mesin e tyre shihen figura si Oso (Daci) Daciq, Selman Huso (Lajci) Ljajiq, Zhujë dhe Kurtan (Daci) Daciq, Sako Kurpejoviq, Husein Shaboviq (Daciq), një person i panjohur, Rustem Vukeli, Balji Dreshaj dhe Sholjo (Rugovac), të cilët qëndrojnë në këmbë si përfaqësues të brezit aktiv të kohës.
Në rreshtin e ulur ndodhen Basho (Lajci) Ljajiq, Qazim Nokiq, Mahmut Nokiq, Suljo Daciq (Daci), si dhe Desho Nokiq, i cili në atë kohë mbante funksionin e kryetarit të komunës së Ibaracit. Përpara tyre shihen Kadrija Daciq dhe Ibish (Daci) Daciq, që plotësojnë këtë përbërje të rëndësishme familjare dhe shoqërore.
Kjo fotografi është një dokument i rrallë që pasqyron strukturën e udhëheqjes lokale dhe lidhjet familjare në mesin e shqiptarëve të Sanxhakut në fillim të shekullit XX. Prania e plisit të bardhë, që dominon në këtë pamje, është dëshmi e qartë e identitetit kombëtar dhe traditës së fortë shqiptare, e ruajtur edhe në kushte të vështira historike.
