Dëshmi të jetesës antike ilire e romake shtrihen në një zonë të thatë afër kryeqytetit të Kosovës.
Parku i parë dhe i vetëm arkeologjik në Kosovë , i quajtur ‘Ulpiana’, është themeluar në vitin 2016 dhe gjendet vetëm 12 kilometra larg Prishtinës.
Ky park i cili dikur ka qenë qytet me emrin Ulpiana, sipas arkeologëve ka qenë i banuar qysh në periudhat e hershme antike të njohur si Epoka e Gurit, e deri në periudhën e sundimit romak
Foto:Trungu&InforCulture.info
Ky vend është në mbrojtje të përhershme ligjore, megjithëse zgjerimi i kërkimit arkeologjik ka stagnuar si pasojë e problemeve buxhetore.
Qendra e parkut të sotëm gjendet pikërisht në kryqëzimin e rrugëve që lidhte detin Adriatik me detin Egje ndërsa konsiderohet të ketë qenë njëra nga qendrat komunikuese në mes të Konstandinopojës dhe Romës.
Megjithë interesin që ky vend zgjon për ekspertë të arkeologjisë dhe mijëra vizitorë të tjerë, zona nuk është promovuar dhe zhvilluar mjaftueshëm për një pikë turistike.
Parku Ulpiana gjendet rreth 12 kilometra në jug-lindje të Prishtinës, e pozicionuar në tokat që sot i takojnë fshatrave të komunës së Graçanicës, fshatrave Llaplla Sellës dhe lagjes Hajvalia në Prishtinë./ Trungu&InforCulture.info
