Telefoni i ardhshëm i Appleit, iPhone 16, raportohet se do të sjellë një ndryshim të jashtëzakonshëm në kamerë, e që do të ndërrojë mënyrën se si përdoruesit i kapin momentet e veçanta rreth tyre.
Një ekspert i teknologjisë ka sugjeruar se iPhone 16 Pro dhe Pro Max mund të ketë kamerë me zoom 100x, me inteligjencë artificiale. Ajo pritet ta bëjë fotografinë më të pastër se kurdo herë më parë.
Inteligjenca që pritet të përdoret nga Apple do të jetë pjesë e produkteve të reja të gjigantit amerikan, që nga seria e ardhshme e telefonave.
Një kamerë me zoom 100x tashmë ka qenë pjesë e Samsungut dhe Googleit.
Ndryshimi u shpalos nga llogaria “Matt Talks Tech” këtë javë në YouTube. Ai ka gjetur ndryshimet në sistemin e ri operativ që dëshmojnë se po vjen kamera e veçantë, të cilën e ka cilësuar si “ndryshuese të lojës”.
Apple i lanson telefonat e rinj zakonisht në muajin shtator.
