Statinat janë ilaçet e para të trajtimit për rregullimin e kolesterolit të lartë duke mbrojtur kundër sulmit në zemër ose goditjes në tru. Megjithatë, përdorimi i tyre duket se rrit shanset për të zhvilluar diabetin sipas një studimi të ri, të publikuar në The BMJ.
U zbulua se rosuvastatin rrit rrezikun e sëmundjeve metabolike.
Megjithatë, të dyja, rosuvastatin dhe atorvastatin janë po aq efektive në parandalimin e sulmeve në zemër, goditjeve në tru dhe vdekjes për njerëzit me sëmundje të arterieve koronare. Ndërsa rosuvastatina është e lidhur me nivele të reduktuara të kolesterolit, shkencëtarët vërejnë se ajo mbart një rrezik më të madh të zhvillimit të diabetit sesa atorvastatina.
Përdorimi i statinave për të ulur kolesterolin LDL, i ashtuquajturi kolesteroli “i keq”, rekomandohet te pacientët me sëmundje koronare të zemrës, gjendje në të cilën bllokohen enët e gjakut që furnizojnë zemrën.
