Në vitin 1963 në Londër, në një ‘gym’, hyn për stërvitje Muhamed Ali. Askush nga ata që ishin brenda nuk mund t’iu besonin syve. Më i befasuari ishte një fëmijë 6 vjeçar i quajtur Patrick Power, i cili kishte filluar të ushtronte boks në mënyrë që më të mos e ngacmonin një grup i fëmijëve më të mëdhenj. Legjenda Muhamed Ali, e vëren ngazëllimin e Patrick-ut dhe i afrohet për t’ia mësuar disa ‘trika’ në boks. Pastaj, e organizon një ‘match’ me të në ring dhe Partick ‘fiton’ me nokaut ndaj kampionit botëror. Një gjë të tillë Muhamed Ali e ka bërë shpesh me fëmijë.
‘Kurrë më në jetën time nuk jam gëzuar më shumë se atë ditë’ – ka thënë disa herë Patrick Power.
Të rriturit e kanë për detyrë që t’i gëzojnë fëmijët. Mund të mos jeni Muhamed Ali, por gjithmonë ka mënyra për t’i gëzuar fëmijët. Edhe për njeriun e rritur nuk ka kënaqësi më të madhe se kur sheh fëmijë të gëzuar e të lumtur.
