Zadrima (Fusha e Tejdrinit) është fushë në Ultësirën Bregdetare, pjesë e fushës së Nënshkodrës, në rrethin e Lezhës.
Shtrihet midis Drinit të Lezhës në perëndim dhe malit të Hajmelit dhe atij të Velës në lindje. Është një fushë e sheshtë dhe shumë e ulët (20-25 m mbi det). Midis saj ngrihen kodra të ulëta flishore me lartësi 80-100 m. Përshkohet nga lumi Gjadër. Qendrat kryesore të Zadrimës janë: Gjadri, Dajçi, Pistuli, Shkezi, Mjeda etj.
