Zgjoheni në mëngjes dhe fytyra ju ngjan me një tullumbace të fryrë? Fajësoni ushqimet me kripë që mund të keni ngrënë një darkë më parë, fajësoni alergjitë sezonale, alkoolin apo sasinë e lartë të karbohidrateve që keni konsumuar.
Gjithëkush pretendon të ketë një pamje të relaksuar pas një gjumi të qetë, por siç thotë një shprehje dita e mirë nuk duket që në mëngjes, por që në mbrëmje para se të flini! Nëse privoheni nga orët e plota, abuzoni me ushqimin e shumë e shumë gjëra të tjera, në mëngjes do të zgjoheni të fryrë, të dehidratuar apo edhe të lodhur.
Cilado qoftë arsyeja, nëse jeni zgjuar ndonjëherë me një fytyrë të fryrë dhe keni provuar çdo gjë për ta fshehur këtë gjë, ju themi që nuk keni ditur trukun më fantastik.
Fetat e kastravecit mbi lëkurë, larja e fytyrës me ujë të ftohtë, kremi hidratant… asgjë nuk mund të funksionojë më mirë sesa kjo : një dush i nxehtë në mëngjes.
Sipas Reneé Rouleau, një estetiste e famshme pohon se një dush i nxehtë në mëngjes zgjeron venat limfatike dhe ndihmon në nxjerrjen e lëngjeve nga fytyra juaj. Përveç nxehtësisë që ndihmon qarkullimin, forca e ujit gjithashtu ndihmon në stimulimin e lëngjeve të tepërta për të lëvizur jashtë zonës së syve.
Pra deri më sot paskemi bërë gabim që e kemi larë fytyrën me ujë të ftohtë për të na dalë gjumi e për të hapur sytë.
