Nuk janë të pakta fotografitë e luftës në Kosovë të cilat përlotën edhe botën me përmbajtjen e tyre prekëse ,shkruan InforCulture.info
Njërën nga këto fotografi ua sjellim sot ,duke kujtuar vitin 1999 kur Kosovarët merrnin rrugën për tek vendet fqinje si refugjatë, në mënyrë që të shpëtojnë familjet e tyre.
Në fotografi shihet një vajzë e vogël kosovare teksa përpiqet të ngushëllojë nënën e saj,teksa ishin ndalur si refugjatë për të pushuar pas kalimit në Maqedoni.
Fotografia është shkrepur me 31 mars të vitit 1999 nga fotografi Andrew Testa.
Padyshim që imazhi i vajzës na sjell në mendje edhe qindra e mijëra fëmijë të tjerë të cilët kanë qenë “engjujt e pafajshëm” të asaj lufte barbare që nuk i kurseu as ata.
