<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Studiuesit zbulojnë pemën më të vjetër në botë. Ka moshë 5,000-vjeçare

Një pemë e lashtë alerce e njohur si “gjyshi i madh” në jug të Kilit mund të jetë më shumë se 5,000-vjeçare.

Shkencëtarët nuk ishin në gjendje të përcaktonin një moshë të saktë bazuar te rrathët e pemës për shkak të trungut jashtëzakonisht të madh, raporton Euronews. Por ata kanë arritur në përfundimin se kjo është pema më e vjetër në botë.

Normalisht, një cilindër druri me një diametër prej 1 metri nxirret për të numëruar rrathët e pemëve, por trungu i pemës në Kili ka një diametër prej katër metrash. Jonathan Barichivich, shkencëtari që drejtoi studimin, tha se nga analiza e rrathëve të pemës si edhe nga metodat e tjera që përdoren për të përcaktuar datën, mendojnë se pema është deri 5,484-vjeçare.

“Kjo metodë na tregon se 80% e të gjitha trajektoreve të mundshme të rritjes na japin një moshë të kësaj peme më shumë se 5,000 vjet,” tha Barichivich. “Ka vetëm 20% mundësi që pema të jetë më e re.”

Kjo pemë duket se do të rrëzojë nga froni një pemë pishe në Kaliforni, e cila mban rekordin aktual si pema më e vjetër në botë – 4,853-vjeçare.

Barichivich është i shqetësuar për vazhdimësinë e pemës, sepse shumë njerëz vijnë për ta vizituar çdo vit, shkelin rrënjët e saj si edhe marrin lëvore në shtëpi, gjë që e dëmton pemën.

postbck postbck