“Duan gjithmonë fjalën e fundit”/ Studimi që ndez debatin mes çifteve: Ky është “defekti” që burrat nuk e durojnë dot tek gratë

 

Një sondazh i realizuar nga Opinion Way ka nxjerrë në pah një nga “defektet” që shumë burra thonë se u bezdis më tepër tek partneret e tyre: dëshira për të pasur gjithmonë fjalën e fundit.

 

Sipas studimit, rreth një në tre burra e konsiderojnë këtë si tiparin më të vështirë në marrëdhënie. Përqindja rezulton edhe më e lartë tek meshkujt e moshës 25 deri në 34 vjeç, ku më shumë se 40% mendojnë se partnerja e tyre ka tendencën të mos tërhiqet nga diskutimet.

Psikiatri dhe psikoanalisti Philippe Jeammet Braconnier shpjegon se kjo lidhet me mënyrën se si gratë komunikojnë dhe argumentojnë.

 

Sipas tij, gratë janë zakonisht më të vëmendshme ndaj detajeve dhe përdorin komunikimin si mjet për të bindur dhe për të arritur atë që duan.

Artikulli shpjegon se burrat dhe gratë shpesh kanë mënyra të ndryshme komunikimi.

Burrat priren të jenë më të drejtpërdrejtë dhe më kategorikë në përgjigje, ndërsa gratë preferojnë diskutimin dhe rikthimin te argumenti derisa të ndihen të dëgjuara.

Sipas specialistëve, kjo nuk do të thotë se njëra palë komunikon më mirë se tjetra, por se të dy gjinitë përdorin forma të ndryshme për të shprehur mendimet dhe për të zgjidhur debatet në çift.

 

 

Në fund, ekspertët thonë se komunikimi dhe mirëkuptimi mbeten çelësi për të shmangur konfliktet dhe për të ruajtur balancën në marrëdhënie.