Arkeologët kanë zbuluar një skelet 400-vjeçar me një dorë të hekurt.
Proteza e skeletit mesjetar tregon një procedurë të avancuar mjekësore, thonë kërkuesit gjermanë. Ekipi zbuloi mbetjet kockore gjatë punimeve të tubacioneve në një varr pranë një kishe në Bavari.
Analiza e radiokarbonit rezultoi se skeleti me gjasë i përket një burri 30-50 vjeç që mund të ketë vdekur mes viteve 1450 dhe 1620.
“Kjo është diçka e veçantë edhe për arkeologët me përvojë: një skelet pa gishta në dorën e majtë. Gjurmët në kocka tregojnë një amputim të mundshëm. Mbetjet janë kapur në mënyrë të sofistikuar. Pjesa metalike tregon sa e përparuar ishte mjekësia në shekullin XV”, tha një zëdhënës i Zyrës Shtetëore bavareze për Mbrojtjen e Monumenteve.
“Proteza në dorën e majtë shton 4 gishta. Gishti tregues, i mesëm, i unazës dhe i vogli janë formuar secili nga një fletë metali dhe janë të palëvizshëm. Kopjet e gishtërinjve qëndrojnë paralel me njëri-tjetrin, paksa të kthyer. Paraprakisht, proteza është bërë me rripa të lidhur në pjesën e amputuar”.
Vendi në Bavari ku është gjetur skeleti, e quajtur Freising ka qenë zonë ku janë zhvilluar luftëra të ndryshme. Ky mund të ketë qenë faktor për rritjen e numrit të amputimeve dhe kërkesës për proteza./tvklan.al
Peshkopi Fan S. Noli njihet edhe për një ese me titull “Muhamedi”. Kjo vepër e…
Në Kopshtin Zoologjik të Shkupit tërheq vëmendjen e vizitorëve prania e shimpanzesë më të moshuar…
Evolucioni shpesh konsiderohet një proces i ngadaltë, duke kërkuar breza të tërë për të formuar speciet përmes ndryshimeve graduale.…
Thellë nën koren e Tokës, shkëmbi i shkrirë ngrihet dhe nxit lëvizjen e pllakave tektonike…
Delfinët qeshin vërtet. Deri më sot nga shprehitë e tyre, mjaftonte t’i shihje për të…
Një anije kozmike është nisur drejt hapësirës për të studiuar një asteroid që NASA e…