Një qen i racës Chihuahua është zyrtarisht qeni më i vjetër në botë që jeton ende pasi ka mbushur 23 vjeç.
I lindur në Nëntor 1999, Spike nga Ohajo, SHBA fitoi këtë titull më 7 Dhjetor. Ai është më i madh se sa kamera e celularit, Facebook dhe Youtube.
Pronarjae tij, Rita Kimball gjeti qenin e braktisur në një parking makinash në një supermarket vendas në vitin 2009. Ajo tha se Spike dukej tërësisht i lënë pas dore dhe ajo nuk dëshironte ta linte aty, duke thënë se “qeni hyri në makinë dhe u ul në sedilje sikur ta dinte se ku po shkonte, ku ishte e shkruar”.
14 vite më vonë, pavarësisht se është pjesërisht i verbër dhe ka vështirësi me dëgjimin, Spike është një anëtar i dashur për familjen.
Pronarja kuptoi se qeni mund të mbante një rekord kur pa një foto të Pebbles, qenit më plak në botë në emisionin e Jimmy Fallon, i cili ishte më i ri se Spike. “Tani që ai është një mbajtës i Rekordit Botëror Guiness, familjarët e shohin si një të famshëm. Ata s’e besojnë që ka jetuar kaq gjatë”, thotë Rita.
Qeni më i vjetër në botë i regjistruar ishte Bluey, një qen stani që jetonte në Viktoria, Australi. Ajo jetoi 29 vite e 5 muaj dhe ishte shumë aktive pasi ruante bagëtinë. Bluey ngordhi në vitin 1939./tvklan.al
Çështje të ndryshme në tru mund të shkaktojnë dhimbje të njëanshme në kokën e…
Në Gjermani janë shfaqur së fundmi disa prototipe të quajtura “insekte bio-elektronike”, të…
Me rritjen e temperaturave, poleni fillon të shkaktojë probleme për ata që vuajnë nga…
Me siguri keni dëgjuar se karotat dhe frutat e perimet e tjera me ngjyrën…
Një pajisje që vendoset në lëkurë mund të paralajmërojë personat me alergji ushqimore para…
Lufta nuk lë gjurmë vetëm në ndërtesa dhe kufij. Ajo lë gjurmë të padukshme…