Venera dhe Jupiteri do të duken si po përplasën, por ja çfarë do të ndodh në fakt

Ata që zgjohen herët këtë muaj kanë pasur mundësi të shohin shtrirjen pothuajse të përsosur të katër planetëve në qiellin e natës.

Por “spektakli” ende nuk ka mbaruar!

Kjo pasi që në orët e para të 30 prillit 2022, ne do të kemi mundësinë të shohim dy planetët, Venerën dhe Jupiterin “gati duke u përplasur” pasi ato do të duken se lëvizin jashtëzakonisht afër njëri-tjetrit nga “pika ku i shohim ne”.

Në fakt, të dy planetët do të afrohen aq shumë në qiellin e natës saqë do të duket se do të bashkohen në një masë gjigante, me shkëlqim me sy të lirë, sipas NASA-s.

Sidoqoftë, ata me teleskop do të jenë në gjendje t’i dallojnë dy objektet më qartë.

Planetët do të jenë 0,2 gradë larg njëri-tjetrit në afrimin e tyre më të afërt – pak më pak se distanca këndore e një hëne të plotë.

Spektakli do të jetë sërish i dukshëm në orët e agimit të 1 majit, por pozicioni i planetëve do të jetë i kundërt.

Sigurisht, planetët nuk janë fare afër njëri-tjetrit – orbitat e tyre thjesht do të duken ashtu nga pamja jonë e qiellit të natës këtu në Tokë.

Në realitet, planetët do të jenë 430 milionë milje (690 milionë km) larg njëri-tjetrit – më shumë se katërfishi i distancës midis Tokës dhe Diellit.

Ky ‘bashkim’ i dukshëm i Venerës dhe Jupiterit është “afrimi” i dytë që kemi parë këtë muaj, pasi Marsi dhe Saturni u rreshtuan në fillim të prillit.