<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Pse gjenerata Z ka vështirësi të flejë në qetësi?

Më shumë se një e treta e amerikanëve nuk mund të flejë në qetësi, dhe sipas një studimi të ri, gjenerata Z e ka më të vështirë se të tjerët.

Një sondazh ekskluziv i kryer për Newsweek nga Talker Research analizoi zakonet e gjumit, duke zbuluar se 38% e të anketuarve përdorin zhurmën e bardhë (white noise) ose tinguj të tjerë për t’i ndihmuar të flenë.

Sondazhi, i kryer midis 2 dhe 6 nëntorit të vitit 2024, përfshiu 1000 amerikanë dhe zbuloi se për sa i përket brezave, gjenerata Z përbënte përqindjen më të lartë të përdoruesve të zhurmës së bardhë, me pothuajse gjysmën e tyre (49%) që përdorin këta tinguj për të fjetur.

Pas tyre renditet gjenerata Y (41%) dhe gjenerata X (40%), ndërsa baby boomer-at ishin më pak të prirur për të përdorur ndihma zanore për gjumin (32%).

Chelsea Perry, eksperte e certifikuar e Mjekësisë së Gjumit dhe pronare e Sleep Solutions, dha një shpjegim mbi këtë fenomen.

“Zhurma e bardhë mund të jetë një ndihmë e fuqishme për gjumë, veçanërisht për gjeneratën Z, e cila shpesh është e zhytur në një mjedis digjital ku qetësia është e rrallë,” tha Perry për Newsweek. “Ajo funksionon duke maskuar tingujt e sfondit që mund të jenë shqetësues dhe krijon një mjedis zanor të qëndrueshëm që truri e gjen relaksues.”

Sipas Perry-t, përdorimi i zhurmës së bardhë nga ky brez lidhet me ekspozimin e lartë ndaj ekraneve dhe stimulimin e vazhdueshëm digjital.

“Për gjeneratën Z në veçanti, varësia nga zhurma e bardhë mund të vijë nga ekspozimi i lartë ndaj pajisjeve elektronike dhe stimulimi i pandërprerë. Mendjet e tyre mund të jenë më të kushtëzuara për të kërkuar një formë tingulli të butë si një sinjal për t’u çlodhur,” tha ajo.

“Përdorimi i zhurmës së bardhë mund të ofrojë një tranzicion të qetë, duke ndihmuar në neutralizimin e mbistimulimit nga telefonat dhe pajisjet e tjera.”

admin admin