<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KËSHILLA

As mos iu afro këtyre tri ushqimeve nëse do një zemër të shëndetshme

Sëmundjet e zemrës mbeten shkaku kryesor i vdekjeve në mbarë botën dhe shumë prej nesh ndihen të mbingarkuar kur bëhet fjalë për të marrë masa për ta mbajtur zemrën të shëndetshme

Megjithatë lajmi i mirë është që nuk ke nevojë për orë të gjata stërvitjeje apo dieta ekstreme. Ndonjëherë mjaftojnë disa ndryshime të thjeshta për të bërë diferencën.

Një nga gjërat më të lehta që mund të bësh? Eliminimi (ose kufizimi i rreptë) i disa ushqimeve që i bëjnë keq zemrës. Ja cilat janë ato:

1. Proshuta

Për dashamirësit e proshutës, ky lajm mund të jetë paksa i hidhur: ky ushqim është ndër më të dëmshmit për shëndetin e zemrës. Procesi i përgatitjes së proshutës përmban shumë kripë, që rrit presionin e gjakut dhe shkakton inflamacion. Gjithashtu, gjatë gatimit çlirohen disa substanca që mund të dëmtojnë enët e gjakut.

Kjo nuk do të thotë që duhet t’i thuash lamtumirë përgjithmonë, por ndoshta është mirë ta ruash për raste të rralla dhe të shmangësh mishrat e përpunuar në përgjithësi.

2. Patatet e skuqura

Kush mund t’i rezistojë një racioni me patate të skuqura? Por ja ku vjen lajmi i keq: patatet e skuqura janë të ngarkuara me yndyra të dëmshme dhe kripë, që ndikojnë negativisht në presionin e gjakut dhe rrisin rrezikun për sëmundje të zemrës. Për më tepër, vaji që përdoret shpesh riciklohet, duke e bërë ushqimin edhe më të pasur me yndyra trans – armiku kryesor i zemrës.

3. Buka e bardhë

Edhe buka e bardhë është një nga armiqtë e fshehur të shëndetit të zemrës. Ajo mund të shkaktojë rritje të shpejtë të sheqerit në gjak, rezistencë ndaj insulinës dhe shtim në peshë – të gjitha këto lidhen me një rrezik më të lartë për sëmundjet e zemrës.

Çfarë mund të konsumosh në vend të tyre?

Në vend të ushqimeve të dëmshme, provo të shtosh në dietën tënde bishtajoret, si thjerrëzat, qiqrat dhe fasulet. Ato janë të pasura me fibra të shëndetshme që ndihmojnë në uljen e kolesterolit dhe përmirësimin e shëndetit të zorrëve.

Gjithashtu, zëvendëso bukën e bardhë me atë integrale, që ofron më shumë vlera ushqyese dhe ndihmon në mbajtjen e sheqerit në gjak në nivele të shëndetshme, citon Anabel.

Pra, herën tjetër kur të bësh pazar, rishiko zgjedhjet dhe zëvendëso disa nga ushqimet e dëmshme me ato që i bëjnë mirë zemrës. Zemra jote do të të falënderojë! /Telegrafi/