<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETEShëndet

10 simptomat e COVID-it të gjatë tek fëmijët

Fëmijët dhe adoleshentët janë të prekshëm ndaj COVID-it të gjatë ashtu si të rriturit, me një sërë simptomash të dallueshme që tregojnë efekte afatgjata shëndetësore, tregon një studim i ri.

Dhjetë simptoma te fëmijët e moshës shkollore dhe 8 te adoleshentët tregojnë praninë e mundshme të COVID-it të gjatë, sipas gjetjeve të botuara të mërkurën në Journal of the American Medical Association.

Fëmijët shkollorë në veçanti kanë grupe simptomash që rrotullohen rreth problemeve me kujtesën ose fokusimin, problemet e gjumit dhe simptomat e stomakut, treguan rezultatet.

Nga ana tjetër, adoleshentët prireshin të vuanin simptoma të lidhura me humbjen e shijes ose nuhatjes – diçka që nuk përjetohej tek fëmijët shkollorë, thanë studiuesit.

Hulumtimi është “një hap i parë drejt një mjeti që një ditë mund të përdoret për të identifikuar Covid-in e gjatë tek fëmijët dhe adoleshentët – një grup gjerësisht i nënstudiuar – por ka të ngjarë të ndryshojë dhe zgjerohet teksa mësojmë më shumë dhe nuk synohet të përdoret si një mjet klinik sot”, tha studiuesja Dr. Rachel Gross, profesoreshë e asociuar e pediatrisë dhe shëndetit të popullatës në NYU Langone, në një njoftim për shtyp të NYU.

Rreth 65 milionë njerëz në mbarë botën po jetojnë me COVID-19 të gjatë, i cili tenton të zhvillohet disa javë pas një infeksioni fillestar me COVID-19. COVID-i i gjatë mund të zgjasë javë, muaj apo edhe vite.

“Shumica e kërkimeve për të kuptuar COVID-in e gjatë deri më sot janë përqendruar te të rriturit, me më pak të njohura për këtë gjendje komplekse te fëmijët”, tha studiuesi bashkë-drejtues Tanayott Thaweethai.

Për këtë studim, hulumtuesit krahasuan 751 fëmijë të vegjël që ishin infektuar me COVID me 147 të rinj të painfektuar dhe më shumë se 3,100 adoleshentë të infektuar me më shumë se 1,300 adoleshentë të painfektuar.

Kujdestarët u pyetën nëse fëmijët kishin përjetuar ndonjë gjë nga një grup prej 75 simptomash të mundshme që kanë qenë të lidhura me COVID-in e gjatë te të rriturit.

Kjo listë më pas u zvogëlua për të përfshirë vetëm ata të pranishëm në të paktën 5% të fëmijëve ose adoleshentëve me COVID, thanë studiuesit.

Simptomat e përfshira në indeks për fëmijët ishin:

Probleme me kujtesën ose fokusimin

Dhimbje shpine ose qafe

Dhimbje stomaku

Dhimbje koke

Fobitë

Refuzimi për të shkuar në shkollë

Kruarje e lëkurës ose skuqje

Probleme me gjumin

Nauze ose të vjella

Ndjenja e kokës së rëndë ose marramendje