Fëmijët e familjeve që shpërngulen shpesh rrezikohen nga depresioni

Ndërrimi i shpeshtë i shtëpive në fëmijëri mund të rrisë gjasat për zhvillimin e depresionit më vonë në jetë.

Një studimi i ri ka analizuar adresat e mbi 1.1 milionë njerëzve që janë rritur në Danimarkë në mes të viteve 1981 dhe 2001 dhe ka monitoruar se cilët janë diagnostikuar me depresion në moshë madhore, shkruan The Independant.

Studiuesit gjetën se personat që ishin shpërngulur dy apo më shumë herë në mes të moshës 10 deri në 15 vjeçe, ishin 61 për qind me të predispozuar të zhvillonin depresion sesa ata që nuk kishin ndërruar vendbanim asnjëherë.

Ndërsa fëmijët që ndërruan vetëm një shtëpi në këtë moshë kishin 41 për qind shanse për depresion në moshë madhore, krahasuar me ata që nuk ishin shpërngulur.

Njerëzit që janë shpërngulur shpesh nga një shtëpi në tjetrën gjatë fëmijërisë kishin më shumë predispozita të zhvillonin depresion ani pse jetonin në lagje që konsideroheshin të mira.

Autori i studimit nga Universiteti i Pylmouth-it në Manchester, ka thënë se kjo gjë nuk ka të bëjë me bartjen, por ka të bëjë më ndryshimin e lagjes, gjë që sipas tij shkakton përçarje.

Studiuesit kanë deklaruar se një shtëpi e rregulluar e e qëndrueshme gjatë fëmijërisë mund të jetë indikacion për familje stabile apo se individët dhe familjet kanë rrënjë më të forta në lagje. Këto janë aspekte të mbështetjes së sistemit social (ashtu si besimi dhe shkëmbimi i favoreve me fqinj, shkollat si dhe organizatat religjioze) që krijon ndjenjën e përkatësisë dhe lidhshmërisë, e cila kolektivisht njihet si kapital social.

“Ne e dimë se ka shumë faktorë të tjerë që mund të kontribuojnë në depresion të një personi, sidoqoftë kjo është dëshmia e parë për të sugjeruar se bartja nga një shtëpi në tjetrën gjatë fëmijërisë është një nga këta faktorë dhe ne besojmë se numrat që po i shohim mund të jenë vetëm maja e një ajsbergu”, ka thënë profesor Cliver Sabel nga Universiteti i Plymouthit.

Psikologët thonë se gjatë viteve formuese, fëmijët e ndërtojnë rrjetin shoqëror përmes shkollës, grupeve të sportit dhe aktiviteteve tjera. Çdo herë që ju duhet të adaptohen me diçka të re mund të shkaktojë probleme sociale për ta.

Profesor Sabeli ka thënë se psikologët duhen të gjejnë mënyra të reja për t’i ndihmuar njerëzit t’i tejkalojnë këto sfida.