Pesticidet po dëmtojnë zinxhirin e jetës

Substanca kimike përfundojnë në mjedis, në terren e ujëra, duke goditur insekte dhe organizma

Me përdorimin pa kriter të pesticideve, njeriu do të zhdukë edhe specien e vet. Alarmin e hedh organizata WWF, në mbrojtje të mjedisit, që publikon edhe shifra mbi këtë argument.

Çdo vit spërkaten 3.5 mln ton pesticide në fushat e globit dhe vetëm një pjesë e vogël e tyre godet objektivat e vërtetë, përllogaritet vetem 5% e totalit. Dhe kështu këto substanca kimike përfundojnë në mjedis, në terren e ujëra, duke goditur inskete dhe organizma që nuk janë targeti, e kështu duke dëmtuar zinxhirin e jetës.

Si pasojë, me kalimin e viteve kemi kafshë në zhdukje, pyje që digjen, dhe njeriu është i rrethuar nga shumë probleme të epokës moderne bashkëkohore, me impaktin e modelit të superprodhimit dhe konsumizmit.

Gjithashtu si pasojë e përdorimit të pesticideve, në vit numërohen 385 mln raste helmimesh në rradhët e punonjësve të sektorëve të bujqësisë dhe blegtorisë. Dhe këto janë vetëm rastet e helmimeve akute, duke mos marrë në konsiderate sëmundjet që mund të lidhen me një ekspozim kronik ndaj kimikateve të tilla.