Nata e shantazheve të mëdha

Sylë Ukshini

-Kuvendi i Kosovës në fokusin e foto -kamerës

Gazeta „Rilindja“ e datë 23 qershor 1990, kishte publikuar dramën që kishte ndodhur në Kuvendin e Kosovës në natën ndërmjet datë 22 dhe 23 qershorit 1990, kur delegatët serbë dhe malazezë e kishin bllokuar punën e këtij institucioni, ndërsa Momçillo Trajkoviq kishte përdoru edhe kërcënime ndaj përfaqësuesve shqiptarë, të cilët po diskutonin kundër politikave represive dhe cenimit të drejtave të tyre nga Beogradi.

Në ora 22:00 të datë 22 qershor 1990, në sallën Solemne të Kuvendit të Kosovës, me urdhër, sigurisht të kompetentëve, u ndërpre rryma elektrike dhe delegatët mbetën në terr. Gjorgje Bozhoviq, kryetar I Kuvendit, së bashkë me delegatët shqiptarë, serbë, malazezë e të tjerë ngelën deri në orën 03:00 të mëngjesit të datë 23 qershorit., kur u arrit marrëveshja që kjo mbledhje ndërprerë të vazhdohet me 2 korrik 1990. Por, siç dihet kjo mbledhje ishte pamundësuar të mbahej brenda sallës së Kuvendit të Kosovës dhe si rrjedhojë 115 delegatë shqiptarë do të shpallnin deklaratën Kushtetues para dyerve të këtij institucioni.

Frenat e vendosjes për ndërprerjen e mbledhjes I kishte Momçillo Trajkoviq, “filali” qeverisë së Beograd në Kosovë.

Fotoreporteri i gazetës “Rilindja”, Ilaz Bylykbashi, cili bëri natën me delegatët e Kuvendit të Kosovës, me kamerën e tij shënoi disa momente më interesantë të kësaj nate dramatike në Kuvendin e Kosovës.