Bujtinat – ”Në Agli, kryesisht në Londër, kanë ekzistuar bujtina të çuditshme,..”

Daut Dauti

Bujtinat

Në Agli, kryesisht në Londër, kanë ekzistuar bujtina të çuditshme, të cilat janë shfrytëzuar nga të varfërit që nuk kanë patur mundësi të paguajnë dhoma të hotelit. Bujtina e parë e çuditshme ka qenë fjetja në litar. Njerëzit janë ulur dhe para trupit të tyre, në lartësi të gjoksit, është vendosur litari në të cilin e kanë mbështetur trupin. Kjo formë e fjetjes ka qenë më e lirë se sa ajo në kutia, të cilat, sikur ta kishin kapakun, do të ishin sarkofagë.

Fjetje e vështirë, por më e mirë se sa të mbetesh jashtë nën mëshirën e shiut, borës apo kriminelëve të shumtë që atëherë kishte Londra. Bujtina në litar ka ekzistuar deri në vitin 1930 për të cilën gjë ka shkruar edhe George Orwell.