<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Kënga e një emri të lavdishëm të historisë, që mbrojti atdheun duke mposhtur Cërnagoren dhe Rusinë

Salih Kabashi

KËNGA E NJË EMRI TË LAVDISHËM TË HISTORISË, QË MBROJTI ATDHEUN DUKE MPOSHTUR CËRNAGOREN E RUSINË.

Ose KËNGA PËR PADREJTËSISHT E PATURPËSISHT TË ANASHKALUARIN ALI PASHË GUCIA, pjesëtar në Lidhjen e Prizrenit, hero kombëtar e trim në mbrojtje të Plavë e Gusisë, të Pejës, Rekës e Malsisë

.
Fitimtar mbi malazez, serbë e rusë në Betejën për Nokshiqind qindpërqind shqiptar.
Edhe pas betejës së përgjakshme, Nokshiqi mbeti qindpërqind shqiptar. Sllavët e Jugut e ndihmëtarët e tyre nga Rusia u mposhtën nga trima e trimëresha të Rugovës, të Pejës e të Gjakovës.

Trimin e bedenave të Pejës e vrau tradhtia. Më vonë Cërnagorja e Serbia e dogjën dhe e poqën Nokshiqin e Historisë. Aty as sot e kësaj dite nuk ka mbetë asnjë shqiptar, as shtëpi as kullë shqiptare.

Varri i Ali Pashë Gucisë gjendet brenda rrethit të Qarshi-Xhamisë në Pejë.
Kryeheroi i qytetit të lavdishëm, Pejës, ka mbi njëqind vjet që injorohet sa nga pushtetet okupatore të shekullit XX, gjë që është e kuptueshme, poaq edhe nga ky shekull yni i Lirisë e Pavarësisë, gjë është sa e pakuptueshme poaq edhe e turpshme.

Ky emër i madh i Historisë është personazh këngësh të shumta historike, të kënduara nga rapsodë zulmëmëdhenj si Dervish Shaqa, Salih e Feriz Krasniqi, Riza Bllaca, Bajrush Doda e shumë të tjerë. Këto këngë paraqesin një kompensim karshi injorimit të pushtetarëve injorantë në histori.

Rapsodi popullor, përmes tekstit e këndimit, e ka nxjerrë dhe e ka ruajtur lavdinë e të Madhit Hero, Ali Pashë Gucisë!

PS.
Këtu po e sjell të kënduar nga i madhi rapsod i Kosovës, Bajrush Doda, njërën nga shumë këngë që rapsodët tanë popullorë i kishin kushtuar të lavdishmit Ali Pashë Shabanaga së bashku me transkriptin që i bëra kësaj kënge rapsodike.

Ali Pasha koka çu në kambë,
po i mbledh hoxhtë e ylemanë:
Hajdni sod ta këndojmë nji ferman,
du me shku te Mbreti n’Stamboll,
du me e pvete Babën për Vatan,
a ta mbajmë Babë a ta Ishojmë…
Ali Pasha na u çu ne kambë,
në Stamboll te Mbreti po shkon,
në nji xhami po ma falë xhumanë.
O prej xhamie pasha kur o dalë,
po e gjon Pasha nje telall.
Ndal telallit i paska thanë!
Sa po lypë ty pare me tē dhanë?
Krejt Stambollit haber me mi dhanë:
Ali Pashën kush t’don me e pa…
Ai telalli koka çu në kambë,
krejt Stambollit haber i ka dhanë.
I madh e i vogël n’ulicë kokan dalë.
Ali Pashës po i rrijne n’selam.
E kjo raja po bojke seri,
qysh n’Shipni me pasë kësi njeri…
Bon konak te Sadriazemi.
Ali Pashës çka i tha Mbreti:
A m’ki pru ti Pashë far’ haberi?
Me t’kallxu Babē ty po t’vjen seri.
Mos nxafsh besë ty t’kallxon tefteri:
Tridhet krena i ka nxjerrë nji njeri!
N’lypsh me emen ai osht Jakup Feri.
Jakup Feri kur ka liftue,
katër krena i ka nxjerrë një grue!
S’ish kanë gru ajo ish kanë çikë…
Motra e Zhujës sokolicë,
katër vetë i ka pre sakicë.
Ali Pasha u çu n’kamë:
Izë, Bablok i ka thanë me m’dhanë!
Pe dvetë Babën për Vatan.
A ta mbajmë Babë a ta Ishojmë?
Çka i ka thanē Pashës Dovleti?
Mbanje besen ju ndërmet veti-
s’ka çka u bon kurrfarë mileti.
More Pashë Dovleti i ka thanë,
sa t’mi rrini ju Knjazit përballë,
t’çoj barut e buk’ të bardhē.
I tha Pasha more Dovlet,
çom barut sa t’du vet,
për Shtatë krajla hiç mos e ki dert.
Udha mbarë Pashës i ka thanë,
shumë bakshishin ai ja ka dhanë,
treqind lira edhe bukē të bardhë,
do nishana për bajraktarē.
Ali Pasha rrugën e ka marrë.
N’Selanik kur koka ardhë
Vesel Pasha para i ka dalë:
A muj erdhe Pashës i ka thanë,
a t’tha Mbreti për mu’ ndoj fjalë?
Qysh s’em tha mor’ faqezi,
a s’po e sheh te mjeren Shipni?
Katër krajla asaj ia kan’ msy,
po dojne t’gjallë t’shkreten me e perbi,
e s’osht mbet more sa nji kuti.
Sa ‘i kuti e sa nji bashqe!
Po kjan Pasha me lot nëpër faqe…