<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Disa nga krerët e Mirditës në nisje për mbrojtjen e Hotit, Grudës, Plavës e Gucisë nga forcat malazeze

Disa nga krerët e Mirditës në nisje për mbrojtjen e Hotit, Grudës, Plavës e Gucisë nga forcat malazeze. Fotografuar në Shkodër nga Pjetër Marubi në vitin 1880.

Sipas dokumenteve të kohës, në frontin malazez, shkuan mbi 2000 burra nga 12 bajrakët e Mirditës.

Shumë mirditas dhanë jetën në mbrojtje të tokave shqiptare. Kontributi i tyre ishte përcaktues në këtë ngjarje të rëndësishme të kohës, e cila u është përcjell brezave edhe permes folklorit.

“Të mos kenke kjo Mirdita,
që me ja ndalun aty hovin,
si zanat pushkën që e ka,
edhe n’Shkodër pat me hi,
me u ba krajl edhe n’Shqipni”

Ndërsa at Gjergj Fishta në “Lahutën e Malësisë” do të shkruante:

“…bajrakët, qi ka Mirdita,
M’ krep t’ Rragamit neper prita
Kan zanë vend, nja trimi rrfeja:
N’za n’ Shqypni kta për kah feja:
T’ let kah kama e t’shpejtë kah dora,
Thonë, se kurr s’ u a sht ligun Ora.
N’ at log Zanash u ka pri,
Nji i Gjo’Markajsh, djalë zotni,
Kaluer atit pullali,
Si hyll drite n’ at Shqypni:
Prenk Bibë Doda aj emni i ti…”

Sipas at Gjergj Fishtës, në frontin malazez ishin 3000 mirditas.

Në disa dokumente të kohës, botuar në revistën “Leka” në përvjetorin e Lidhjes Shqiptare të Prizrenit, ndër të tjera thuhet:

– N/Konsullata Austro-Hungareze në Tivar, dt. 12.5.1880.

“Malsorët tash për tash mbajnë fortesën e Tuzit, që do ta kishin malazezët, por këta janë tërhequr në Podgoricë. Malsorët presin me padurim mirditasit për të sulmuar malazezët, sëbashku me shqiptarët e tjerë të Gucisë, Pejës e Gjakovës”.

– N/Konsullata Austro-Hungareze në Tivar, dt. 01.07.1880.

“Sipas lajmeve të ardhura nga Ulqini, do jenë mbledhë 4000 Mirditas e Malësorë të gjithë të armatosur me martina, dhe çeta çeta janë përhapur nga Ulqini deri në malin e Mozhurit”.

– N/Konsullata Austro-Hungareze në Tivar, dt. 04.07.1880.

“Ka disa ditë që komanda me e lartë e Lidhjes Shqiptare i është besuar Preng Bib Dodës, kreut të Mirditasve”.

Mirditasit, ndër shekuj kanë qënë pushkëmbushur për Atdhe!

postbck postbck