Sipas një studimi nga ekspertë të Universitetit të Oksfordit mbrojtja nga vaksinat Pfizer dhe AstraZeneca reduktohet brenda 3 muajsh.
Gjithashtu sipas studimit personat e vaksinuar me këto dy vaksina mund të jenë më të rrezikuar nëse infektohen me Delta sesa variantet e tjera.
Studimi, i bazuar në më shumë se tre milionë mostra të marra në të gjithë Mbretërinë e Bashkuar, theksoi se 90 ditë pas dozës së dytë, efektiviteti i vaksinës Pfizer / BioNTech u ul në 75% dhe efektiviteti i AstraZeneca u ul në 61% .
Dy javë pas dozës së dytë, efektiviteti i tyre ishte përkatësisht 85% dhe 68%. Reduktimi i efektivitetit është më i lartë tek personat mbi 35 vjeç tek të rinjtë.
Ngarkesa virale
Duke theksuar rrezikun në rritje për shkak të variantit Delta, studiuesit vunë në dukje se ata që ishin infektuar pavarësisht se ishin vaksinuar plotësisht kishin tendencë të kishin një ngarkesë virale të ngjashme me atë të të pavaksinuarve.
Gjetjet e shkencëtarëve të Universitetit të Oksfordit në përgjithësi janë në përputhje me analizën e Qendrave për Kontrollin dhe Parandalimin e Sëmundjeve (CDC), shërbimi kryesor federal i shëndetit publik amerikan, dhe po publikohen në një kohë kur Uashingtoni ka njoftuar se do të rrisë dozat e vaksinave për shkak të rritjes së infeksioneve të variantit Delta.
Qeveria e Joe Biden ka cituar të dhëna që tregojnë se mbrojtja e ofruar nga vaksinat bie me kalimin e kohës. Pfizer ka pranuar se efektiviteti i vaksinës reduktohet me kalimin e kohës.
Ky hulumtim, i cili është ende duke u vlerësuar nga kolegët dhe botuar në një përmbledhje shkencore, duket se konfirmon dhe nënvizon shqetësimin e shkencëtarëve për variantin Delta, i cili u identifikua fillimisht në Indi dhe mund të infektojë personat e vaksinuar plotësisht.
Nëse keni marrë iniciativën për të shkuar në palestër keni bërë shumë mirë, por duhet…
Kaon Krasniqi është një 13-vjeçar nga Kosova që ka tërhequr vëmendje të gjerë me aftësitë e…
Edit Durham: “Nëse shqiptarët ua kursyen jetën serbëve në tërheqje, të cilët më parë nuk kishin…
Ju mund të pyesni veten se çfarë lidhje ka letra higjienike me frigoriferin? Ky truk…
Arinjtë polarë në fakt nuk janë të bardhë. Ja pse Arinjtë polarë kanë lëkurë të…
Banania është një frut tropikal popullor, i pasur me vitamina dhe minerale. Për shkak të…