Mjekët mund të jenë vetëm pak vjet larg nga vëzhgimi i shenjave vitale të trupit të njeriut përmes një veshjeje elektronike të lëkurës.
Hulumtuesit në Japoni kanë bërë të ditur se janë duke zhvilluar një veshje tejet të hollë që ata po e quajnë “lëkura elektronike” e cila mund të vendoset në hapësirën e gjoksit duke përdorur sprej uji dhe e cila mund të mbahet si e tillë për një javë.
Kjo teknologji është zhvilluar nga Takao Someya, profesor në Universitetin e Tokyos, degën e inxhinieringut, ndërkohë që ka ende kohë që të bëhen prova klinike për të parë efektet e saj.
E bërë nga një material fleksibil, i njohur si alkool polivinil dhe e veshur me një shtresë ari, kjo pajisje ka senzorë të cilët japin sinjale për rrahjet e zemrës dhe për impulset, përmes lëvizjes së muskulit.
Kjo pajisje do ta dërgojë më pas sinjalin në telefonin më të afërt të mençur apo në kompjuter, duke i mundësuar doktorit që t’i monitorojë rezultatet nga distanca.
“Lëkura elektronike është gjenerata tjetër e veshjeve digjitale”, ka thënë Someya për CNN Business.
“Veshjet e zakonshme të sotme janë në formën e orëve inteligjente dhe syzeve, të cilat janë të mëdha. Në të kundërt, lëkura elektronike është e hollë, e lehtë, e shtrirë dhe e qëndrueshme”, ka thënë ai.
Zana Islami Për shumë vite, filma shkencorë dhe libra fantastiko-shkencorë kanë trajtuar idenë e robotëve…
Zana Islami Tregu i patundshmërive është një nga sektorët më të rëndësishëm të ekonomisë dhe…
Zana Islami Në shumë industri, punëtorët janë të ekspozuar ndaj kushteve të rrezikshme që mund…
Zana islami Shëndeti oral është një pjesë shumë e rëndësishme e kujdesit të përgjithshëm për…
Zana Islami Në epokën e sotme digjitale, telefonat tanë janë kthyer në një qendër të…
Nga Gani Qarri/ Qerim Arifi u lind më 22 shkurt të vitit 1946, në qytetin e…