Pesë mënyrat se si pranvera ndikon në shëndetin tuaj

Pranvera është padyshim stina më festive për njeriun.

Rrobat e trasha paketohen ‘larg syve, larg trupit’ dhe garderoba bëhet gati për rroba të lehta e plot ngjyra.

Megjithatë, ndikimi i pranverës shtrihet përtej garderobës.

I gjithë organizmi përmirëoshet a thua se sistemi imunitar ka fituar llotarinë.

Gëzimi i pranverës ndihet në ajër dhe ekspertët besojnë se truri ndikohet menjëherë nga kjo stinë e mrekullueshme.https://ads.digitalbee.al/www/delivery/afr.php?zoneid=133&cb=INSERT_RANDOM_NUMBER_HERE

Ekspertët e AgroWeb.org paralajmërojnë se humori i njeriut ndryshon në varësi të stinëve.

Ndërkohë , studime të cilave u referohet AgroWeb.org thonë se me ardhjen e pranverës ndryshojnë shumë gjëra përveç sistemit imunitar.

Mënyra se si ne perceptojmë ngjyrat apo funksione të tjera të trurit ndryshojnë me ardhjen e pranverës.https://ads.digitalbee.al/www/delivery/afr.php?zoneid=125&cb=INSERT_RANDOM_NUMBER_HERE

Një studim të cilit i referohet AgroWeb.org, shpjegon se performanca mendore dhe kujtesa është shumë më e mirë në pranverë se në vjeshtë.

Kur vjen puna tek vëmendja, ajo është më e mirë në verë dhe më e keqe në dimër.

5 Mënyrat Sesi Pranvera Ndikon Në Shëndetin e Trurit Dhe Trupit

Temperaturat

Ndikimi i parë është ai i temperaturave të cilat rriten ndjeshëm.

Kjo nënkupton më shumë kohë për aktivitet fizik dhe më shumë ushqyerje të shëndetshme.

Dielli Dhe Vitamina D

Ekspozimi më i gjatë në diell nënkupton një rritje të aftësisë së trupit për të prodhuar më shumë vitaminë D.

Kjo vitaminë luan një rol shumë të rëndësishëm për kockat por edhe për shëndetin e trurit.

Nivelet e ulëta të kësaj vitamine, përkeqësojnë funksionet mendore.

Lumturia

Bota u prezantua me ndikimin e stinëve në mirëqenien e njeriut që në vitet 80.

Ishte pikërisht Norman Rosenthal, sipas të cilit ikja e dimrit dhe ardhja e pranverës i bën njerëzit përgjithësisht më të lumtur dhe optimistë.

Kjo i atribuohet pranisë afatgjatë të dritës natyrale.

Gripi

Ekspertët e mjekësisë popullore Kineze, thonë se ndryshimi i stinëve shoqërohet me simptoma të ngjashme me të gripit dhe luhatje humori.

Megjithatë, këto mund të stabilizohen me aktivitet fizik, falë të cilit organizmi çliron më shumë endorfinë.

Në pranverë, instinkti i parë në mëngjes është hapen dritaret e të thithet ajri i freskët i pranverës.

Drita e saj ndriçon shtëpinë, trupin dhe trurin dhe sjell më shumë lumturi dhe motivim