Histori e vjetër fshihet nën liqenin e Ohrit

Me titullin intrigues ‘Historia e moçme e fshehur në liqenin më të vjetër të Evropës’, BBC Travel ka afishuar një video mbi liqenin e Ohrit.

“Ky është liqeni më i moçëm në Evropë. Edhe treva përreth është e vjetër.

Madje qyteti i Ohrit ishte edhe në kohën kur babai i Lekës së Madh, Filipi, ishte mbret në shekullin e katërt para erës sonë”, thuhet në reportazhin e BBC, përcjell Konica.al.

Historia e vjetër, thuhet në reportazh, është njëra nga arsyet kryesore pse vizitori dëshiron të vijë këtu.

Për syrin e zhveshur, ngashnjimi i liqenit të Ohrit qëndron në mjedisin tërheqës mbi ujë, por bukuria e tij e njëmendët qëndron nën sipërfaqe, rrëfimi shkon atje sa përmend edhe mundësinë për vende arkeologjike dhe shijim të artifakteve në Muzeun e Ujit ose Gjirin e Eshtrave, një rikonstruktim autentik i një pjesë prehistorike të një vendbanimi.